Freydís Bjarna

OPRAH

2006-06-30T09:54:00.000Z

Ég er að horfa á TV og OPRAH er með þátt um konur sem hafa sleppt sjálfri sér og láta sig drappast niður í vanrækslu. Ýmsar ástæður eru fyrir þessu hjá konum en vitað er að allt of margar konur láta þetta gerast.
Ég er ein af þessum konum, ég sé sjálfa mig í þessum konum, ég er ein af þeim sem geri ekki rassgat fyrir sjálfa mig. Ein ástæðan er níska, ég tími ekki að fara í nudd, kaupa nýja flík eða út að borða. Ég fæ samviskubit og mér finnst eins og ég verði að heyra frá einhverjum að þetta sé í lagi áður en ég geri þetta. Til dæmis sagði læknir í þættinum að þú átt að geta hvílt þig án þess að líða illa yfir því og gera það aðeins af þvi´að þig langi það. Ég get ekki lagt mig þegar einhver veit af því nema hafa alveg yfirgengna afsökun. Það er ekki nóg fyrir mig að segja einfaldlega "ég er þreytt og ætla að leggja mig í 20 mín".
Ég er að gefa sjálfa mig á bátinn. Ég fann hvað mér leið svakalega vel þegar ég fór að æfa fótboltann aftur og ég fann líka greinilega hvað sambandið og allt mitt líf varð betra. Á móti fann ég hvað mér leið ömurlega að þurfa að hætta. Ég varð samstundis þunglynd og leiðinleg, ósanngjörn jafnvel. Nú veit ég að ég get vel gert eitthvað án þess að fá samviskubit yfir því að e´g ætti að vera að elda eða gera eitthvað fyrir börnin eða manninn. Og það ætla ég að gera!

próf próf próf

2006-05-02T14:07:00.000Z

Eitt próf búið og annað á morgunn. Ég er ss að "læra" núna fyrir bókmenntir 19. og 20. aldar á spáni auðvitað.
æ vá hvað ég hef ekkert að segja nema bara hvað ég nenni ekki að læra og hlakka til að vera búin .. úff en já ok reyni að sparka í rassgatið á mér og gera eitthvað af viti í prófinu og í þessum blogmálum.
Kv Freydís ofurlestrarhestur með meiru

Háskólinn...

2006-04-25T21:21:00.000Z

Jæja, þessi síðasta endurlífgun fór nú fyrir lítið. En jæja taka 2 gjöriði svo vel...

Ég er oft að hugsa á daginn´... já þetta væri nú fín saga á blogsíðu.. en allt kemur fyrir ekki.
Núna er ég að súpa seyðið af pössunarleysi/leti/skipulagsleysi fyrr í vetur. Það eru nefninlega próf og ég er að frumlesa einhver 5 spænsk skáldverk frá 19, og 20. öldinni. Hellti einni í mig í morgunn, þeirri sem ég byrjaði á í gærkvöldi ásamt 2 glösum af herbalife tei... og ekkert að gera nema byrja á næstu, sem by the way er leikrit frá 19. öld sem heitir "Luces de Bohemia". en já nóg af þessu, ég verð bara hálf stressuð vitandi af mér stijandi við tölfuna þegar ég gæti verið að lesa seyðandi sögu af einmanna listamanni sem var uppi seint á 19.öld, úff..

Ég er búin að vera frekar furðuleg á nóttunni núna undanfarið, of heitt, of ekki þreytt, of þreytt (uuu já það er hægt að vera svo þreyttur að maður getur ekki sofið...), of kalt jafnvel og ég veit ekki hvað og hvað. en í nótt þá dreymdi mig hana Emblu mína, búin að vera að hugsa til hennar í allan dag. Ég kannski hringi bara í hana snöggvast... hehe ja´góð hugmynd.
Heyrumst.
p.s. ég er ákveðin í að blogga í sumar... hehe :)
Freydís ofurbloggari

heiðarleg tilraun til endurlífgunar

2005-10-22T19:43:00.000Z

Ég var að lesa pistlana mína um daginn og mér fannst ég bara nokkuð sniðug. Einhvern vegin held ég að ég hafi glatað pennanum þegar ég hætti með balla minn á brjósti eða eitthvað.
Reyndar dettur mér stundum í hug eitthvað sniðugt en finn einhvern vegin ekki stund og stað til að koma því niður á blað....

En núna verður breyting þar á, þetta er svo fínt tjáningarform og ég tel mig hafa mikla þörf fyrir að geta tjáð mig einhvers staðar (sbr. stundarbrjálæðisköst undanfarið.... huhummm)
En já góðu lesendur - sem vafalítið eru ekki margir ef nokkrir- þið eruð vitni af mér hnoða lífi í þessa síðu.

Gjörið svo vel

Laugardagskvöld húsmóðurinnar

2004-11-13T22:05:00.000Z

Nú sit ég inní í stofu með hekl á fingrunum, horfi á fitness með girndaraugum á kroppana, þannig að mig langar að vera kropparnir, ekki að mig langi í þá. Já ég horfi á kroppana úr mínum 2ja barna kropp sem er rétt að ganga saman eftir það allt saman og til að fullkomna allt er ég með súkkulaðihúðar oreo kex og mix til að japla milli umferða (hekl-umferða:). Svo þegar ég gef mér tíma geri ég hljólátan samning við sjálfa mig um að fljótlega -mjög fljótlega- skuli ég taka mig verulega á og hætta þessu japli á kvöldin og verða svona fitness kroppur. Ok kannski ekki alveg svoleiðis en alveg næstum því.

En já svona eru þessu laugardagskvöld hjá mér, ég sitjandi yfir jólaföndrinu eða heklandi sjal :)
Meiriháttar.
Laugardagskveðja
Freydís

Enn og aftur til fortíðar

2004-11-07T21:06:00.000Z

Ég ákvað að hleypa ykkur aðeins inní minn hugarheim þegar ég var örlítið yngri...

Ég hélt að garnirnar væru litlar hendur inní maganum sem hnoðuðu kúk og kreistu hann út um rassinn -já af hverju spyr einhver, jú vegna þess að mamma sagði mér að þarmarnir hjálpuðu okkur að kúka....

Ég hélt að ég og Íris hefðum verið tvíburar en hún bara farið úr maganum á mömmu á undan mér -bara 3 og hálfu ári....

Ég man líka þegar ég átti stóra dúkku með sítt hár og ég lét hana liggja í rúminu mínu til að plata jólasveininn og fór sjálf fram að horfa á sjónvarpið með mömmu og Steina. Svo var ég ýkt svekt þegar ég kíkti inn og ekkert var komið.

Við áttum nokkrum sinnum kettlingar þegar ég var lítil og eitt skiptið var einn alveg hrikalega latur kettlingur. Hann hét Brandur og var seinna kötturinn okkar til margra ára -blessuð sé minning hans. Þegar hann var lítill hann Brandur var hann rosalega latur, hann nennti ekki einu sinni að mjálma hvað þá leika sér með hinum kettlingunum. Eitt skipti þá kemur mamma að mér þar sem ég stend með hann í fanginu og hristi hann til. "hvað í ósköpunum ertu að gera við kettlinginn..??!" spyr mamma. "Ég er bara að venja hann við að vera hræddan -auðvitað-"
Ég ætlaði sem sagt að venja hann að vera hræddan svo hann myndi ekki vera svona latur heldur upptjúnnaður eins og hinir litlu kettlingarnir.

Einu sinni áttum við svakalega flottan nýjan tússpenna, svona skrautpenni, og mig langaði svo svakalega að skrifa með honum og eina sem ég fann að skrifa á var bók. Og til þess að ég yrði ekki skömmuð þá skrifaði ég bara nafnið hennar Írisar!

Kæra systir

2004-11-04T13:44:00.000Z

Ég ákvað að segja nokkrar sögur af Írisi, sem að mínu mati var ótrúlega skemmtileg stóra systir og mér fannst hún vera ótrúlega góð við mig lang lang oftast. En það voru tímabil sem hún var að kanna sjálfa sig og það bitnaði ótrúlega á mér. Gjöriði svo vel

Einu sinn þegar ég var svona ca 10 ára þá beit ég í tunguna á mér þannig að það kom smá blóð. Ég gerði dramatísk mistök og sagði Írisi frá því, ég áttaði mig ekki á því að hún væri að kanna sína möguleika á því að verða uppfinningalyfjafræðingur(slash)læknir. En það var hún einmitt að gera. Hún sagðist ætla að lækna þetta sár og leiddi mig fram í eldhús. Hún var djúpt sokkin í þá hugdettu að í eldhússkápunum leyndust einhver mikilvæg lækningarefni en enginn hafði prófað þau og vissi því ekki um eiginlega þeirra. Any way, þá leiðir hún mig inní eldhús og segir mér að reka út úr mér tunguna sem og ég gerði auðvitað enda stóra systir mín að fara að lækna mig. En af öllum efnum þá náði hún í saltstaukinn og hellti á tunguna á mér!! Já hún stráði salti í sárin, þrátt fyrir að vera Sálar aðdáandi númer eitt á þeim tíma. Ég man nú ekki eftir sársaukanum nákvæmlega en gerum ráð fyrir að hún hafi ekki læknað mig heldur stráð salti í sárin....

Svo var það eitt skipti að við vorum einar heima -og þessu gleymi ég aldrei svo lengi sem ég lifi- Það var tímabilið þar sem hún ætlaði að verða annað hvort útúrreiktur geðveikur morðingi eða hollywood leikari. Ég hef ekki spurt hana nákvæmlega, ég hef ekki þorað að bridda uppá þessu umræðuefni.
Hún fór inná baðherbergi og var eitthvað að bardúsa í smá tíma, þeir sem þekkja mig vita að ég er forvitnari en flest og gat því ekki haldið mig frá baðhurðinni. Hún sagði mér að bíða bara rólegri, og ég vildi að ég hefði bara hunskað mér út að leika mér því þegar hún kom út var hún orðinn geðveikur morðingi. Hún hafði púðrað sig föla í framan og sett svart í kringum augun og fyrir utan pottþétt make-up var svipurinn gjörsamlega sneyddur allri umhyggju og hlýju. Hann var eins harður, en þó algjörlega yfirvegaður, og hann gerist. Hún gékk algjörlega yfirveguð og sviplaus inní eldhús -og ég litla forvitna barnið- á eftir henni (því miður, þarna hefði ég átt að vera að hlaupa út en ég sá ekki íhvað stefndi fyrr en seinna). Hún tók upp stærsta hnífinn sem hún fann í eldhúsinu og snéri sér að mér. Ég áttaði mig fljótlega á því að hún ætlaði á eftir mér með hnífinn en þorði ekki að hlaupa því ég vissi það að hún hljóp hraðar en ég á þessum tíma. Ég hins vegar brást þannig við hræðslunni -vitandi það að þetta var bara Íris- að ég reyndi eins og ég gat að fá hana til að missa geðveikis-svipinn og hlæja. Ég reyndi að vera fyndin eins og ég gat en var eiginelga bara sorgleg þar sem ég skreið undan henni og lét hana króga mig út í horn. Þá var ég sennilega farin að væla af hræðslu og farin að biðja hana að hlífa mér. Hún hætti ekki fyrr en ég var komin útí horn niður á hnén og niður í gólf eins langt frá henni og ég gat, þá greip hún í hárið á mér og reif það upp og mundaði hnífinn, ég þarf varla að segja ykkur hvað e´g var hrædd. En nei þá segir hún:" var þetta flott, trúðiru mér??" uuuu nei heheh. Glætan!! Ég var svo hrædd að ég var ekki viss um það hvort var hennar rétta eðli, þessi geðveika eða þessi leikari. En ég hef ekki séð þessa hlið aftur svona öfluga þannig að ég geri ráð fyrir að þetta hafi verið leikarinn í henni.

Færum okkur til Dalvíkur. Við vorum í heimsókn hjá ömmu og afa á Dalvík, þau áttu flottan garð með trám og rólu og alls konar skemmtilegt að leika sér í.
Við vorum örugglega að búa okkur til heimferðar og við vorum tvær úti að leika okkur í góðu veðri eins og var alltaf á Dalvík. Það var snærisspotti þarna sem var fastur í annað hvort tré eða í staur, það var alla vegna fast í annan endann. Á hinn endann bjó Íris til lykkju sem hertist ef maður tosaði í. Svona snöru eins og kúrekarnir voru með, einhvern vegin þannig sem hertist ef eitthvað fór í lykkjuna. Hún náði mér í lykkjuna. Ég stóð bara í lykkjunni alveg róleg. Þá fékk Íris góða hugmynd. Hún sagði mér að setja hana um magan á mér, taka mér stöðu og hlaupa eins hratt og ég gæti í burtu frá staurnum. Þetta fannst mér líka alveg ágætis hugmynd, ég var neflinlega svo fljót að hlaupa (hún hlýtur að hafa notað þessa sálfræði ámig : vá má ég sjá hvað þú kemst langt). Ég tók mér stöðu og hljóp af stað.... hratt....
En svo auðvitað tók lykkja í og hertist utan um magan á mér og ég henntist aftur á bak með andan í brókinni. Ég náði ekki andanum í smá stund og leið frekar illa eftir þetta. En eins og með saltið þá man ég ekki nákvæmlega hvernig mér leið. Maður blokkar svona út úr minninu.

En já þetta voru nokkrar sögur af okkur systrum, ég á nú líka nokkrar hjartnæmar en geymi þær til betri tíma :)
Þessi pistill er tileinkaður þér Íris mín. Ótrúlega skemmtileg uppátæki en jafnframt stórhættuleg geðheilsu minni :)
Hey nú man ég eitt sem hún sagði líka við mig þegar ég var sko ekki nema 5 ára. Þá þurfti ég stundum að pissa á nóttunni og við vorum saman í rúmi. Ég vakti hana alltaf og bað hana að koma með mér því ég var svo hrædd að fara ein. Einhvern tíman hefur hún verið orðin þreytt á þessu næturbrolti og ætlaði að ala þetta af mér. Takið eftir því að hún er aðeins 9 ára þarna. Hún sagði við mig (með viðeigandi tón) :"..Freydís, ætlaru alltaf að hafa einhvern með þér á klósettið?? En þegar þú verður orðin stór, þarf þá kallinn þinn að fara með þér eða??"
Ég þarf auðvitað ekki að segja ykkur að í dag pissa ég alltaf ein að nóttu jafnt sem degi.

Barnaland.is

2004-11-02T11:22:00.000Z

Kona ein er komin 8 mán á leið en það vill svo óheppilega til að hún hélt framhjá fyrir 8 mánuðum. Hún sagði ekki frá því en vonar að kærastinn hennar eigi barnið -þau ætla að gifta sig þegar þau skíra.....
Kærastinn vinnur einhvers staðar og hvað haldiði ekki, karlmaðurinn sem hún laumaðist uppá fyrir 8 mánuðum er nýbyrjaður að vinna með kallinum hennar!! og það sem meira er að kærastinn er alltaf að tala um skemmtilega strákinn sem er byrjaðu að vinna með honum. jahérna og nú veit hún ekkert hvað hún á að gera enda góð ráð dýr. Það merkilega við þessa sögu er það að enginn heitir Forester, Scully, Spectra eða Spaulding, þetta er bara hversdagurinn fyrir einhverja Íslendinga.
Íslensk sápa uppá sitt besta. Satt eða logið er þetta ein af mörgum- álíka júsí - umræðum sem hægt er að finna á síðum www.barnaland.is . Þar hópast saman nútíma húsmæður í leit að ráðum, gefa ráð, segja kjaftasögur af sjálfum sér eða öðrum eða til að skeggræða barnabæturnar og pólitíkina, svo eru jú auðvitað einstaka montumræður af börnunum þessa kvenna, en þeim fer fækkandi vegna skítkasts sem er jú önnur og enn lengri saga.
Barnaland.is var valin afþreyingavefur 2004. Ásamt þessum líflegu umræðum er þar hægt að útbúa heimasíður fyrir börnin sín, dýrin sín -varúð skítkast-, ýmsa söluvöru eða föndurbakgrunna. Svo eru alls konar upplýsingar hvað varðar börn og meðgöngu en aðallega er þetta jú kjaftavefur og svo hýsill mörg hundruð barnaheimasíðna.
Ég get nú rifjað upp eina aðra safaríka umræðu.
Um síðustu helgi var það ein aumingjans kona sem var í Reykjavík, nema hvað að sonur hennar og barnsfaðir voru heima fyrir norðan. Hún heyrir í kallinum sínum um kvöldið og þá er víst einhver stelpuvinkona hans að horfa á vídjó og hann gefur í skyn að ekki sé hann nú sá trúverðugasti auk þess sem hann hafði haldið framhjá henni í sumar. Þessi greyi kona var semsagt föst í Reykjavík meðan maðurinn hennar mögulega hélt framhjá henni inni á heimilinu þeirra með barnið í næsta herbergi... úfúfúfúffff

Svona umræður eru næstum því daglegt brauð fyrir okkur húsmæður sem leitum afþreyingar á barnalandi. Þetta er alveg hreint ágætis uppbót fyrir stöð2 leysið (bold og nágrannar eru á morgnana og ég sé það ekki lengur...), þessi fína íslenska sápa :)
Jæja best að fara að kíkja aðeins á barnaland hehe

From zero to hero and back to Zero

2004-10-31T13:28:00.000Z

Já ég sveiflaðist aldeilis á milli þess að vera hetja eða skúrkur um daginn. Best að segja frá því...

Ég var semsagt í heimsókn hjá Ásdísi þegar Hemmi hringir og spyr mig hvar ég sé eiginlega...
Ég fattaði nú ekki af hverju hann var svona pirraður og sagði honum að e´g væri nú bara hjá Ásdísi.
Af hverju er allt læst heima??!
ohhh shitturinn maður -þarna var ég algjört zero að læsa húsinu og hlaupa út- ég fattaði um leið og hann sagði þetta að ég hafði læst þvottahúsinu útaf því að Breki fer alltaf þar inn og fer að fikta við niðurfallið, ekki girnó. Svo læsi ég útidyrahurðinni svo hann stingi mig einfaldlega ekki af, hlaupi jafnvel uppá götu og láti keyra yfir sig. Nei það vildi e´g ekki þannig að ég læsti okkur bara inni. En svo vorum við á leiðinni út, Gabríel var klæddur og ég skellti honum út fyrir í vagninum og klæddi Breka. Svo meðan e´g klæddi mig hjlóp hann út, ég fór út á eftir honum og fór þá að spjalla aðeins við nágrannana á efri hæðinni. Það setti mig algjörlega útaf laginu og ég tók börnin skellti útidyrahurðinni -í lás óvart- og fór í sakleysi mínu út að ganga og hafði ekki hugmynd um neitt fyrr en Hemmi hringdi.
En aftur heim til Ásdísar....
Hemmi kom þangað og ég sagðist nú oft hafa plokkað upp svona innilása eins og ég taldi vera á þvotthúshurðinni- og var ýkt kúl meira að segja- og ef það myndi ekki ganga ætlaði ég bara að skrúfa upp glugga og taka Hönnu barnapíu og láta hana fara inn og hleypa okkur inn.
Ég fór með Hönnu og við gengum á alla glugga í húsinu en enginn var opinn. Svo sá ég það að ég gat engan vegin opnað þennan lás -og var ekki svo kúl.....- ég var búin að skrúfa allt handfangið og fylgidótarí þess af en ekkert gekk, ég var um það bil að missa alla þolinmæði og segi við Hönnu : ohhh er ekki bara kúbein hérna eða eitthvað..??! á meðan ég held áfram að reyna við lásinn.
Þá segir Hanna, eins og ekkert sé eðlilegra : "Jú, þarna" og bendir á þetta líka fína kúbein.
Ég kem kúbeininu fyrir og glenni upp hurðina eins og ég gat, sparkaði duglega ca fimm sinnum, glennti svo aðeins meira og kláraði hurðina inn.
Þá var ég orðin hetja
En það var ekki bara hurðin sem fór, heldur hálf dyrin, karmurinn inni og svo veggpanellinn og gólflistinn. Ég semsagt sparkaði forstofunni til fjandans... en ég var samt hetja því við vorum komin inn.
Svo þegar ég sagði Hemma þetta þá var hann nú skiljanlega ekkert glaður enda sá hann bara skemmdirnar en ekki lausnina á vandamálinu sem við vorum í, læst úti. Hann sagði mér að ég hefði nú átt að hringja í hann, og auðvitað átti ég nú að hafa gert það en svona er það þegar maður er kúl og hetja þá heldur maður að maður sé með allt áhreinu.
Ég sökk niður í að vera skúrkur þegar ég áttaði mig á því að ég hafði í raun bara rústað öllu en jú við erum inni í húsinu okkar núna.

Bakkaði á á nýja bílnum maður....!!

2004-10-21T21:33:00.000Z

Ég fór í íþróttaskólann með Breka áðan eins og aðra fimmtudaga nema hvað þegar því var öllu lokið og við á leiðinni heim þá er ég að bakka í rólegheitum og eins og kelling bakka á bíl sem var bakvið minn -hvernig hefði ég öðruvísi bakkað á hann nema hann hefði verið bakvið minn, jæja- ég var sem betur fer ekki að drífa mig og var því á núll kílómetra hraða og það sá ekki á bílunum fyrir utan að númerið hjá hinni konunni var örlítið beyglað...
En mér til málsvarnar þá var bíllinn silfurgrár og alveg eins á litinn og frostmóðan á rúðunum á bílnum mínu og því sá ég hann ekki... úúbbsss :)
Kveðja

Glugginn

2004-10-18T23:20:00.000Z

Það var fyrir nokkrum árum,
Ég braut einn lítinn glugga
-með rauðum skíðastaf.
Og nú varð ég að reyn'að brugga
Eitt fullkomið launaráð.
Ég sagði við mömmu:
"Hvað hefur gerst?"
rúðan í bílnum er brotin.
Ég held að enn köttur,
-kannski hennar ömmu,
hafi stokkið í rúðuna
...og er nú horfinn á braut.
En eins og ávallt með svona mál
þá komst upp um mig um síðir
- eins og ég bjóst við

Höf. F. Bjarna (nemandi í 8.bekk 1995)

"...Stjörnumót í Garðarfiði"

2004-10-14T20:42:00.000Z

ohhhh ég var búin að skrifa þvílíkt heitan pistil hérna en nei nei best að villast ánetinu tölva og tína öllu.

Taka 2

Ég mismælti mig um daginn við matarborðið. Ég sat og var að ræða við Hemma og var svo að segja honum frá því að ég væri að fara að keppa í blaki um aðra helgi: "já það er þarna Stjörnumót í Garðarfiði...." Það stóð næstum í hemma honum fannst það svo fyndið og ég lái honum það ekki. Ég gat ekkert sagt, horfði bara áhann og hló með honum. Þið vitið það kannski að Hemmi er ekki sá besti til að mismæla sig fyrir framan, en hann er búinn að vera nokkuð góður, hló bara fyrst og svo hefur hann ekki minnst á þetta nema einu sinni.

Áðan meðan ég í sakleysi mínu eldaði kvöldmatinn eins og venjulegar 2ja barna mæður gera þá fékk ég símtal:

RING RING RING
Ég: halló
hin línan: halló, við hvern tala ég?
Ég: Freydís heiti ég... (hmm er einhver að gera at í mér...)
hin línan: já sæl, ple ple heiti ég og er þjálfari hjá meistaraflokki ple ple ple ple.
Ég: (..hver er þetta, örugglega grín. Nei ekki örugglega heldur pottþétt!!) já sæll.....
ple ple þjálfari: ert þú eitthvað að sprikla þessa dagana?
Ég: uu nei ég er nú bara búin að vera ólétt í 2 ár... (hmmmm...)

ple ple þjálfari vildi sem sagt fá mig til að spila fótbolta með sínu liði, hann vantaði striker og hrindi í MIG! jahérna. Ferillinn, sem undanfarið hefur verið á hraðri niðurleið, tók svakalega beygju upp á við en ég varð að neita eftir að hafa spurt hann nokkrum sinnum hvort hann væri að meina þetta og hvort hann vissi nú örugglega að þetta væri bara ég?! En já ég neitaði honum vegna þess að ég nenni ekki að flytja enn einu sinni.

Já ég segi enn einu sinni því við erum flutt aftur í Grundó góða Grundó. Frekar löng saga að segja frá því en ég gef ykkur stuttu klipptu útgáfuna: Það vilja allir vera í Grundó og á endanum eru allir glaðir.
En af því að við vorum að flytja þá höfum við ekki verið nettengd og þess vegna hef ég ekki sagt frá "líkamssölunni" og því geri ég það nú.
Ég sem sagt fór til Kára Stefánssonar og hann gafmér 25000 krónur fyrir smá uppskurð sem myndi skilja eftir sig smá ör sem kæmi undir brókarlínu. Ég þáði það, en hvað var það sem ég seldi.... já það voru 2 grömm af fitu gott fólk. Kári Stefánsson keypti 2 grömm af fitu á 25.000 krónur og ekki viku seinna eru Bandaríkin búin að gefa honum hátt í 2 milljarða króna.
Ég var öll rannsökuð við sama tækifæri, vigtuð og mér var uppgefin fituprósenta. Ég var 65 kg og hvorki meira né minna en 33% fita (ég er einnþriðji fita... shitttt!!) ef ég seldi honum það mikið af fitu að eftir stæðu 15% fituhlutfall á mér sem er flott tala þá gæti ég grætt : 65 x 17% =11050 grömm. 2 grömm kosta 25000. 11050/2 =5752 x 25000 = 143,812,500
Já hundrað fjörutíu og þrjár milljónir áttahundruð og tólf þúsund og fimmhundruð takk fyrir. Það er samt ekki eins mikið og ég ætlaði að fá í gær í víkingalottóinu, fékk ekki, en ég fékk þó 25.000 kallinn.

Ég er komin í átak, það byrjaði kvöldið áður en ég fór í sýnatökuna hjá Kára. Ég átti að fasta eftir 8 um kvöldið og það er eitt af mínum áhugamálum að borða eftir kvöldmat. En ég fór nokkuð létt með það og í kjölfarið ákvað ég að borða ekki eftir klukkan átta á kvöldinn og ekkert nammi nema á laugardögum.
Ég er meiri nammigrís en þið getið ímyndað ykkur og þetta er frekar krefjandi en ég get það. Ég er hætt að vakna á morgnana hugsandi um það að nú geti ég ekki borðað nammi eða kökur í dag. Ég er búin að vera í þessu í 3 vikur og einn dag. Ég tók mál á mér um daginn og ætla að fylgjast með því hvað ég minnka mikið á því að hætta í sælgætinu.
Ég er ekki að borða neitt minna yfir daginn en vanalega, ég er auðvitað með barn á brjósti og verð að borða. En þar sem það er óhollt að borða eftir átta á kvöldinn (því þá hægir á líkamsbrennslunni) þá ákvað ég að hætta því og sjáum til hvað gerist.
Jæja ég er farin að gera magaæfingar og grindarbotnsæfingar svo ég pissi ekki í mig í einhverju smassinu á Stjörnumótinu í Garðafirði :)
Gott kvöld góðir gestir og endilega kíkið á prinsana mína á barnalandi þá Breka Þór og Gabríel Ómar

Kveð að sinni
Freydís fræga fótboltakona ;)

Sumarbústaðarferðin

2004-09-27T15:52:00.000Z

Um helgina fórum við í sumarbústaðarferð í Munðarnes, við litla fjölskyldan og Sóley, Siggi og Baldur Logi. Þetta var ýkt huggleg ferð. Við borðuðum glæstan kvöldverð föstudag og laugardag. Skötusel a la Hemmi á föstudag og hreindýralundir og fillet a la Siggi Kveikur. Þetta var algjör veisla. Litlu strákarnir voru frábæri, Breki sló í gegn aðfaranótt laugardagsins með solo sopransöng í 2 tíma þá nótt. Við vorum að von öll frekar syfjuð allan laugardaginn, sérstaklega Hemmi sem var sá eini sem ekki fékk einhvern aukasvefn. Þeir litlu fóru líka með okkur í minigolf og meðan við eigðum harða glímu á minigolfvellinum voru þeir hlaupandi í drullupolli og tóku smá sundsprett í leiðinni. Staðan í golfmótinu mikla var 4-3-2 Hemmi, Sóley, Freydís. Ég byrjaði sterk og vann fyrstu braut með 9 höggum (eftir 10 högg hættum við...), en það var víst bara byrjunar heppni því e´g var ekki svo glæsileg það sem eftir lifði móts. En Hemmi vann semsagt enda með lægstu forgjöfina.. :) minigolfforgjöfina ;)

Á miðvikudag er e´g að fara að selja líkama minn fyrir 25.000.-
Þessi athöfn sem ég sel mig í tekur klukkutíma og ég þarf að taka því rólega í einn dag þar á eftir...
Mér finnst þessi tilhugsun um að selja líkama minn frekar furðuleg, ég hélt einhvern vegin að ég myndi setja upp hærra verð en svo ég segi ykkur alveg satt þá hefði ég slegið til við 5.000 kallinn. Svo er bara að sjá hvernig þetta fer allt saman.

Lifið heil og kíkið á myndirnar úr sumarbústaðaferðinni hér eða hér

Ólétt aftur !!??

2004-09-21T11:42:00.000Z

Nú er Breki orðinn eins og hálfs árs. Hann átti afmæli í gær og ég gleymdi því !! obbosí. Í gæt var líka ekkert svo skemmtilegur dagur, ég var hálf slöpp og ræfilsleg eitthvað. En allt í lagi í dag ef frá er talinn örlítll höfuðverkur, en það hefur aldrei drepið neinn ...eða hvað.
Við vorum á Grundarfiði um helgina og okkur langaði hreinlega ekkert að fara heim í Reykjavík, miklu skemmtilegra að fara heim í Grundarfjörð skiljiði. En helgin byrjaði nú þannig að Linda, mamma hans Hemma, fór til Þórhalls miðils. Hún setti spóluna í tækið og við byrjuðum að hlusta og þetta heyrði ég: "....já þau eiga 2 börn er það ekki (ég og hemmi semsagt)? Linda: "jú", Þórhallur: "...já ok, og þriðja á leiðinni." -og takið eftir því að ég set ekki spurningamerki á eftir þessu, því þetta var fullyrðing hjá honum!! - Ég sver það ég fékk hland fyrir hjartað ég heyrði ekkert né sá í smá tíma eftir þetta. Ég sá fyrir mér þetta augljósa, 3 börn á jafn mörgum árum og svo sá ég fyrir mér kyrrsetu í einhver ár í viðbót, aðra fæðingu (hugsanlega mjög erfiða....) og allt frekar erfitt. En svo hristi ég það af mér og hugsaði, jæja þá ef Þórhallur segir þetta þá hlýtur þetta að vera satt og þetta þarf ekkert að vera svo slæmt..... úfff!!
Ég sendi Hemma þessi skilaboð frá Þórhalli og hann gat ekkert spilað golf og tapaði öllu nema einu. En svo fannst honum þetta bara sniðugt... jeminn eini ég er svo ekki til í aðra meðgöngu og allt sem þessu fylgir.
Þetta er semsagt það sem ég er búin að hugsa mjög mikið um alla helgina og frekar stressuð (...fann meira að segja hreyfingar :) þó svo að ég eigi 4 vikna barn og hreyfingar koma eftir 15. viku ) . Ég keypti meira að segja óléttupróf og testaði mig og ég er semsagt ekki ólétt aftur og held áfram að telja niður á fyrstu fótboltaæfinguna.

Venjulegur dagur 2ja barna móður..??!

2004-09-09T13:43:00.000Z

Þessu velti ég fyrir mér, hvort þetta sé venjulegur dagur fyrir tveggja barna móðir.
Byrjum á nóttinni, ég sofnaði uppúr 3 vegna þess að yngri sonur minn var með í maganum. Allt í lagi, við sváfum ágætlega eftir það og ég fékk að sofa aðeins áfram því Hemmi vaknaði með Breka og meira að segja skveraði hérna í íbúðinni. En svo fór hann í skólann og dagurinn minn byrjaði. Þegar Gabríel vaknaði var hann búinn að pissa uppúr þannig að ég skitpi um allt á honum og byrjaði að gefa honum, í því þá tekur Breki púðursykur út úr skápnum og hellir á gólfið og fer að borða hann. Ég sópaði því upp í ruslið og hélt áfram. Gabríel gubbaði þá út um allt og ég þurfti því að skipta á honum aftur sem og ég gerði. Svo ætlaði ég að halda áfram með gjöfina þegar ég heyri grunsamlegt hljóð í Breka, ég kalla á hann og hann kemur og knúsar og klappar Gabríel eins og alltaf, nema núna var hann allur í puðursykri og með myglaða papríku í höndunum. Hann hafði sem sagt farið í ruslið og reddað sér. Eldhúsið var allt í púðursykri, Breki var allur í púðursykri og stofan og Gabríel. Ég legg Gabríel í vögguna og skutla Breka úr öllu og skola hann í vaskinum. Svo læt ég hann í rimlarúmið meðan ég hreinsa til. Á meðan væla þeir báðir. Ég klára málið, segi Breka að fara að lúlla og tek Gabríel. En Breki er ekkert að hætta að gráta og mér finnst hálf undarlegt hljóðið í honum, ég kíki á hann og þá var hann búinn að festa löppina á milli rimlanna, ég þurfti að þrýsta hnéliðnum á milli og hann grét á meðan. Þá gafst ég upp á að reyna að láta hann sofna og tók hann uppúr, ætlaði að halda áfram að gefa Gabríel en hann ældi þá út um allt á mig og sig. Ég þurfti því að skipta í 3ja sinn á honum. En svo kom Hemmi heim og núna er Gabríel sofnaður og Hemmi og Breki farnir í sund.
Þessi klukkutími sem ég lýsti var ástand ég er að segja ykkur það!! og núna er ég að horfa á íbúðina sem Hemmi græjaði í morgunn og hún ber þess ekki merki núna.
Best að fara að koma sér að verki og ég vona að þetta sé ekki venjulegur dagur heldur bara einn af þessum undantekningum. Og nú þegar ég hugsa það þá er klukkan ekki nema 2 og ég get rétt ímyndað mér hvað getur átt eftir að gerast úff.

Loksins nettengd

2004-09-09T11:24:00.000Z

Jæja þá er ég komin á ról aftur eftir flutninga og fæðingu. Takk allir fyrir kveðjurnar, það hafði enginn rétt fyrir sér með daginn. En 26. ágúst var dagurinn, góður dagur :)
Já nú er ég tveggja barna móðir í Breiðholtinu, jahérna. Það gengur allt ljómandi vel hjá okkur, reyndar var nóttin frekar erfið. Gabríel Ómar er með í maganum og var sko ekkert að gera góða hluti í nótt greyi litli kall. En hann sefur núna eins og engill. Vonandi að þetta verði ekki lengi þetta ástand. Hemmi er bara í skólanum og Breki samur við sig, safnar hári og er eitursvalur alveg.
Á sunnudaginn sem leið var leikur dauðans í gettóinu, Leiknir-Víkingur Ó. Sigurvegarinn fékk að launum sæti í 1. deild að ári og jemin hvað þetta var geðveikt. Ég var ótrúlega glöð að vera ekki ólétt því ég hoppaði og gargaði eins og geðveik kona. Við semsagt unnum leikinn, vorum eitt núll yfir og þvílík pressa á okkur þegar Hemmi kemur og sendir boltann í netið hjá Leikni. Ekki nema 2 mín eftir og vá hvað þetta var geðveikt. Þeir semsagt unnu leikinn og komust uppí 1. deild, alveg geðveikt. Annað sem var alveg geðveikt á sunnudaginn var rigningin sem var á vellinum. Ég hef aldrei lennt í öðru eins, Gunnar Örn orðaði það vel á sínu bloggi en hann sagði að hann hefði aldrei farið í sturtu með svo mörgu fólki í einu. Og þannig var þetta nákvæmlega, eins og maður væri undir sturtu í fullri bunu. Maður hefði auðveldlega getað klætt sig úr og sápað sig allan.

Helgi Reynir og Heba eignuðust litla prinsessu í morgunn, Innilega til hamingju með það. Hlakka ýkt til að heyra fæðingarsöguna hjá þeim. Ég hélt að mín fæðing hefði verið algjör sæla núna síðast en svo sagði Heba mér hvernig fyrri fæðingin hennar var.... hún semsagt var með smá magaverk og ákvað að kíkja á spítalann og þá var hún með 7 í útvíkkun og eftir það var þetta bara bið, engir agalegir verkir. Og þessi bið sem hún talaði um náði held ég ekki 2 tímum!! Hún hefði átt að vera með mér þegar ég átti Breka og bíða í 15 tíma úff hvað þetta er misjafnt. En já ég hlakka svo til að heyra frá henni og vita hvernig þetta var.

Fæðing...

2004-08-14T18:24:00.000Z

Ég var að hugsa um að koma af stað smá könnun, hvenær haldiði að ég muni eiga?? Ég er sett 18. ágúst.
Koma svo..!!
Þið bara commentið á þetta sem Anonymus en munið að setja þá nafnið ykkar með skilaboðunum.

Flutningar

2004-08-02T18:24:00.000Z

Nú erum við að flytja klukkan 6 í fyrramálið. Bíllinn er klár fyrir utan húsið okkar og allt orðið hreint og fínt. Við verðum orðin Reykjavíkurbúar uppúr 8 í fyrramálið.
Við erum búin að vera hérna hjá Lindu og Tóta um helgina í góðu yfirlæti. Breki er svo sannarlega að fíla þetta. Hann vaknar á morgnana og kalla á ömmu og afa, meira að segja á í nótt rumskaði hann og þá vildi hann bara ömmu.
Hann, Þóra Lind og Linda eru núna inní eldhúsi að syngja "....en hann hiiiiti baaara trommuna sem small og þau hluuupu og héééldu veeeellliii" hehe, brjálað fjör. Ég held að allir eigi eftir að sakna allra.
Við verðum ekki nettengd fyrr en í september held ég þannig að þetta er sennnilega og mjög líklega síðasta færslan þangað til ég verð búin að eiga. Ég tók óléttumyndir í gær en þær eru í tölvunni sem er á bílnum þannig að þeim verður ekki flaggað fyrr en einhvern tíman, úúú spennó.
En endilega reynið að vinna ykkur í gegnum þetta commenta dót hjá mér. Einhver sem sagði að þetta væri svo flókið. Ég skelli inn öðru comments dóti fyrir jól :)
Engin gestabók heldur þannig að þið verðið að commenta og vera svolítið skemmtileg ;) og skrifið undir commentin því nafnið kemur ekki alltaf með :)
Bið að heilsa í bili, næst verð ég tveggja barna móðir í Breiðholtinu. Kíkið í heimsókn, Jöfrabakki 14.
Bless í bili, sjáumst

Rómantísk kvöldstund óléttu konunnar...

2004-08-02T17:00:00.000Z

Já ég er ólétt kona og víst eigum við okkar rómatísku kvöldstundir.
Um daginn ákváðum við hjónakrúttin að horfa á vídeó saman, ég með belginn reyndi að koma mér fyrir uppí rúmi en bumban var alltaf fyrir. Ég lá á hliðinni í smá stund, eftir þessa smá stund þá var ég orðin dofin af verk í grindinni og þurfti að snúa mér á hina hliðina. Og að snúa sér á hliðina er aðeins meira en að segja það þegar maður er rúmur meter í hart ummál. Allt í lagi ég var komin á hina hliðina og sá ekkert á sjónvarpið í smá tíma en lét mig hafa það til að jafna mig aðeins.
Svo skellti ég mér á bakið og það var ekki að spurja að því að ég fékk logandi brjóstsviða og yfirliðstilfinningu útaf þyngslum sem lágu ofan á mér -sem sagt belgurinn-
Ég fékk mér stóran púða og gerði agalega kósý fyrir mig og ætlaði að teygja úr mér en nei nei, ólétt kona teygir ekki úr sér. Ef hún reynir það þá annað hvort fær hún hrikalega samdrætti í kúluna og togverki í skinnið eða þá sinadrátt, ég fæ alltaf sitt lítið af hvoru.
Þetta endaði með því að ég gat auðvitað ekki borðað gotteríið sem var í boði með myndinni útaf brjóstsviða og sá ekki myndina því ég þurfti að liggja á hinni hliðinni og ég bara ákvað að sofna. Svefn er einmitt eitthvað sem hefur sótt á mig undanfarna viku. Og til að enda þessa sögu þá get ég sagt að ég man ekki hvaða mynd þetta var sem ég reyndi að horfa á með mínum elskulega.
...eða hvað jú þetta var Along came Polly.

Nýja fína lookið

2004-07-25T23:48:00.000Z

Ég missti mig aðeins í pistlinum áðan.... en það hefur aldrei drepið neinn.
Ég ákvað að gera þetta aðeins "suffisticated"-aðra (..flott orð). Nú gæti ég eins veri þingmaður eða mikilsvirtur bæjarstarfsmaður :)
Það er nýtt comments kefri á þessu, vona að þetta virki allt saman. Segið hvað ykkur finnst nema þið ætli að kúka á þetta hjá mér, því ég hafði ótrúlega mikið fyrir þessu.... (náði að flækja þetta einhvern vegin :)

2004-07-25T16:10:00.000Z

Nú er kominn sunnudagur og helgin að verða búin. Þessi helgi er búin að vera alveg hreint frábær og bara tóm gleði :)

Á föstudaginn vaknaði ég og það var rigning, ég var ótrúlega glöð. Já ég var ótrúlega glöð (...var reyndar með þvott á snúrunni en það var ekki það sem gladdi mig ). Ég var svo glöð útaf því að þá gat ég sett Breka í nýja flotta pollagallan sinn. Hann á neflinlega svo geeeðveikan íþróttaálfspollagalla, meiriháttar flottur. Já við Breki fórum snemma út, snemma var klukkan hálf ellefu :), og gengum um í bautu veðri og spókuðum okkur. Þvotturinn fékk að hanga og gott ef hann hangir ekki enn (það er kominn ágætis þurrkur :). Svo kom Hemmi líka heim á föstudaginn og það er alltaf gleði gleði. Hann fór reyndar um leið og hann kom til þess að keppa í fótbolta. Það var leikur hérna í Grundarfirði, meira um það neðar...
Við Breki fórum í grillveislu sem var haldin fyrir alla í Grundarfirði og það er sko dágóður slatt skal ég segja ykkur. Það var stanslaus biðröð í matinn í einhverja 2 tíma og ég er ekki að ýkja það. Um helgina var neflinlega Á góðri stund í Grundarfirði, sem er bæjarhátíðin okkar.

Það ringdi ekki allan daginn en við vorum alltaf tilbúin með fína pollagallan. Á föstudagskvöldið þá kom sko fyrsta alvöru reynslan á þennan glæsilega galla, við ákváðum að skella okkur á fótboltaleikinn -við förum reyndar alltaf þannig að það var nú engin svaka ákvörðun- það var leikur hérna í Grundarfirði og það var rigning. Pollagallinn var settur upp á Breka en ég var bara uppáklædd sponna að horfa á kallinn minn ;)
Breki fór í sandkassan og dundaði sér heilmikið, hann velti sér í rennblautum sandinum, svo mokaði hann í fötu og hellti yfir sig -frábær pollagalli- og ég hafði engar áhyggjur útaf því hann var í gallanum. En svo í hálfleik, þegar Breki var búinn að reyna að komast upp stallana til afa síns í dágóðan tíma -hann rann alltaf niður- var hann orðinn vel lúinn, ég var orðin helköld. Hann var með sand út um allt, hann var að tyggja hann og hann var í öllu andlitinu og öllum pollagallanum -flotta gallanum :)
Hann var sennilega orðinn svolítið meðvitaður um eigin útbí því hann bað um að fara í bað. Hann lá í kerrunni sinni, sem var öll í sandi, og sagði svo ýkt krúttlega "...baaa". Og þar sem leikurinn var nú ekkert sérlega spennandi ákvað ég að stökkva yfir götuna og koma litla krúttinu í bað og í háttinn.
Ég gekk af stað heim, og þegar ég var komin á endan á vellinum skoruðu hinir. Svo gekk ég áfram og þegar ég var að klæða okkur úr fötunum fyrir utan heima þá heyri ég þessi þvílíku fagnaðarlæti. Svo fórum við inn og ég vissi að staðan var eitt-eitt, þegar ég er svo að skella Breka ofaní baðið örfáum mínútum seinna heyri ég önnur eins fagnaðarlæti og hugsa með mér að nú séu mínir menn komnir yfir. Allt í lagi ég held áfram minni rútínu og næstu fagnaðarlæti komu þegar ég var að skella Breka í rúmið. Ég var ánægð með að við hefðum unnið leikinn. En svo kom Rúna og eiginlega tók þessa ánægu af mér því að ég missti víst af þvílíka leiknum og þvílíku tilþrifunum, og hver haldiði að hafi tekið málin í sínar hendur eftir að ég var farin af leiknum.

HEMMI, já hann skoraði 3 mörk á einhverjum hálftíma EFTIR að við vorum farin. Auðvitað glæsilegt og ég er auðvitað rosalega ánægð með kallinn, en hvað með að byrja aðeins fyrr og lofa okkur að fylgjast með.
En þvílíka hetjan sem maðurinn er hérna núna. Allir að klappa á öxlina og segja :"...frábær leikur Hemmi, djöfull var þetta flott hjá þér..." Alllir svo miklir vinir :)

Í gær laugardag var svo þetta líka sólskin og logn. Það var hverfagrill og við fórum í rauðahverfið og jeminn hvað þetta var mikil gleði, allir svo ánægðir. Breki var líka með 10 mínútna skemmtiatriði og ég get sagt ykkur það að ég hef sjaldan verið jafn ánægð með að hafa ekki þurft að pissa. Ég hefði svo lekið ef ég hefði þurft þess, en í staðin þá lak úr augunum á mér. Ég bara grét úr hlátri, hann var í fótbolta og eftir hvert spark -með tilhlaupi og tilheyrandi tilþrifum og svipbrigðum- þá stoppaði hann og leit í brekkuna, sem var full af rauðklæddu glöðu fólki, og klappaði og allir klöppuðu og hlógu að honum. Þetta var bara alveg meiriháttar skemmtilegt :)
Svo eftir grill gengum við af stað niður á bryggju þar sem allir komu saman og skemmtu sér.

Við ætluðum á ball, við lögðum af stað klukkan hálf tólf í gærkvöldi og einmitt vegna þess að Hemmi er hetja helgarinnar eftir hat trickið þá tók það aðeins meira en smá stund að labba einhvert. Klukkan 2 um nóttina og vorum við ennþá fyrir utan samkomu hús, sem sagt ekki enn komin inn. Það tók okkur 2 og hálfan tíma að fara heiman að frá okkur og í samkomu húsið. Svo þegar uppi var staðið vorum við of nísk til þess að splæsa 4000 kalli inn á ballið þegar það var svo lítið eftir, í staðin keyptum við okkur 4 hlölla báta :) og þurftum að láta keyra okkur heim því ég var svona líka rosalega búin í iljunum jafnvel þó svo að e´g hafi skipti um skó klukkan ellefu.

Já þetta er búið að vera svo skemmtilegt. En gleðin hélt áfram því að Breki Þór, litla krúttibolla, svaf til klukkan hálf tólf í morgunn!!! toppiði það, hann reyndar rumskaði klukkan ellefu þegar ég setti hreint á hann og færði hann úr vagninum í rúmið (hann sofnaði á bryggjunni eftir allan fótboltan í grillinu) og svo aftur þegar við komum heim um 3 leytið. En hálf tólf, ég á bara ekki orð. Hann gerir allt fyrir okkur þessi elska. Eins og við fyrir hann.

Hafði það gott, ég og við erum búin að hafa það alveg frábært :)

2004-07-22T22:20:00.000Z

Var rétt í þessu að kyngja grilluðum banana með piparmintufylltusúkkulaði og sprauturjóma mmmmm. Skolaði þessu öllu niður með sprite zero. Læknirinn minn sagði við mig fyrir um mánuði að ég ætti að gera eitthvað fyrir mig á hverjum degi, og þetta gerði ég í dag. Bara fyrir mig fékk ég mér þennan ljúffenga banana.

Á góðri stund í Grundarfirði er núna um helgina og "as we speak" eru bæjarbúar að keppast við að skreyta bæinn og hverfin í sínum lit. Ég er í gula hverfinu, sem er víst slakasta hverfið. Það segir rödd götunnar alla vega. Ég held að rauða hverfið sé svalast, fyrir utan það að rauður er uppáhaldsliturinn minn þá eru íbúar rauða hverfisins mjög metnaðarfullir og voru byrjaðir snemma í morgunn að blása í rauðar blöðrur og klippa til alls konar skraut. Ætli ég skelli mér ekki með mitt fylgilið í grillið í rauða hverfinu... held það bara.

Endilega kíkið í Grundarfjörð um helgina, allt að gerast :)

2004-07-21T23:58:00.000Z

Ég fékk alveg frábært kakó í dag, það var svo frábært að ég gat ómögulega hamið mig og drakk það allt of heitt og ég er ennþá að súpa seiðið af því. Er frekar pirruð í tungunni því ég brenndi mig svo á þessu. Ég er samt að hugsa um að skella mér aftur í smá kakóheimsókn á morgunn, en þá mun ég hafa varann á og halda tungunni aftur í kok þegar ég sýp.... ætli það sé hægt hmmm?
já það er hægt, var að prófa það, ekki neitt sérlega þægilegt að fá það sem maður er að drekka undir tunguna... hvað þá sjóðandi heitt!
Ég passa mig bara á því að kæla kannski kakóið áður en ég svolgra því í mig.
Góða nótt gott fólk

2004-07-17T19:32:00.000Z

Jeminn hvað ég er eitthvað slök í þessu. Búin að vera að pakka niður einhverju af búslóðinni undanfarið, gengur svona ágætlega.
Nú er ekki nema mánuður eftir af þessari meðgöng minni, ótrúlegt að þessu er að ljúka. Reyndar er þetta rétt að byrja, ég á auðvitað eftir að koma krílinu (...sem er ekki svo lítið miðað við útgönguleiðina ) út úr mér og svo það sem enginn veit er eftirprocess-inn. Þetta er meira en að segja það, bara láta ykkur vita. Ég er ekkert allt of viss um að fólk vilji vita þetta heldur þannig að ég ætla svo semekkert að fara út í smáatriði hérna.

..mér fannst ég heyra eitthvað skrítið innan úr stofu, Breki var kominn með hálfa 16" pizzu á stofugólfið og var að dunda sér við að plokka pepperoni-ið af henni, tyggja það smá og spíta því svo út úr sér. En núna er kallinn kominn inní rúm og sennilegast sofnaður.
Jæja best að fara að húsmæðrast eitthvað hérna í húsinu mínu :)

2004-07-08T00:10:00.000Z

Hvernig er þetta með mann, loksins komin í sumarfrí og þá er bloggið vanrækt... einmitt þegar ég á ekki að hafa neitt að gera nema einhverja svoleiðis vitleysu.
Ég var að koma heim úr saumó, hef áður minnst á saumó er það ekki. Barnaklúbburinn mikli, við vorum 5 og 3 eru óléttar og hinar 2 með barn á brjósti, 2 af þessum óléttu eru að eiga sitt annað barn. Og til að toppa allt saman þá er meðalaldurinn ekki nema rétt rúmlega 23...
Það er svo sem ekkert sem ég man eftir sem vert er að skella á netið að svo stöddu en ef þið viljið lesa einhverja upplífgandi steypu þá mæli ég með Kára, hann er linkaður hérna til hliðar. Hann er einhver sá duglegasti bloggari sem ég þekki (...ég þekki nú ekkert svakalega marga en..) alltaf líf og fjör í hans lífi.
Hemmi varð 25 í vikunni, í gær meira að segja og hann kemur á morgunn heim og fær pakka frá okkur fjölskyldunni hans :) Svo erum við að flytja eftir tæpan mánuð, ótrúlega stutt í þetta allt saman.
En nú bara nenni e´g ekki að pikka meira, er orðin allt allt of þreytt fyrir þetta. Kveð að sinni ble ble

2004-06-30T15:57:00.000Z

Ég er búin að búa til próf um mig sem er linkað hérna til hliðar, endilega spreitið ykkur á því :)
Í sambandi við hverjir verða Evrópumeistarar þá varð ég rosalega hrifin af Nedved og félögum þegar þeir löggðu Hollendinga og þeir halda áfram að vera skemmtilegir þannig að ég held ég haldi bara með þeim, annars er ég svo líbó að mér er svona nokkuð sama hvaða lið vinnur. Mótið er allt búið að vera svo geðveikt skemmtilegt og öll úrslit ótrúleg (...flest alla vega).
Jæja nenni ekki meiru núna....

2004-06-21T20:27:00.000Z

Veðurhorfur til kl. 18 á morgun: Norðaustlæg eða breytileg átt, 3-8 m/s og bjartviðri. Hiti 12 til 20 stig að deginum.

Veðurspá gerð 21. 6. 2004 - kl. 16:05
Næsta spá er væntanleg kl. 22:10

ákvað að láta veðurspá morgundagsins fyrir Breiðafjörð fylgja með...frábært :)

2004-06-21T19:24:00.000Z

...og Englendingar fagna!!!! Ég ætlaði að fara að blogga en þá heyrði ég að allt varð vitlaust í sjónvarpinu og þetta heyrði ég, þannig að þar vitiði það.
Englendingar búnir að jafna leikinn.

Ég ætlaði einmitt ekki að tala um EM í dag, en svona er þetta út um allt og óflýjanlegt. Ég er einmitt ekki að kvarta undan því síður en svo, mér finnst þetta frábær hátíð. Veðrið er eiginlega það sem á hug minn allan í dag. Ég byrjaði daginn á því að þrífa einn glugga í húsinu mínu og hengja út á snúru og svo erum við Breki búin að vera í sundi með Írisi og Kr. Freydísi og Brynjari Steini. Það var ótrúlega gaman og Breki Þór er algjör sundgarpur og fótbolta séní. Ef hann var ekki syndandi í lauginni hljóp hann á bakkanum í grasinu með bolta á tánum, ótrúlega stolt mamma sem skrifar :)

Hann er sofnaður núna litli engillinn enda langur dagur á enda (..eða svoleiðis á enda, rétt að byrja fyrir suma.) Íris og þau fóru um hálf 7, við fórum eftir sund og fengum okkur ís í blíðunni.

...staðan 1-1 í báðum leikjum, þetta var að detta inn. Frakkland- Sviss 1-1 og England-Króatía 1-1, svakalega spennó :)
ætli ég fari ekki að fyljgast með, er hvort sem er með annað eyrað við tækið.
Njótið dagsins þið sem eruð að byrja hann :)

2004-06-14T10:43:00.000Z

Em í fótbolta byrjað og með látum. Var að horfa á leik í gær Frakkland - England.
Svaf aðeins yfir honum, lagði mig í hálfleik og átti í smá veseni með að vekja mig. En vaknaði að lokum og sem betur fer. Ég sver að ég hef aldrei á æfinni horft á eins frábærlega dramatískan leik. Leikurinn var búinn og England var búið að vinna þennan leik en... á einni mínútu í leik skoraði Zidane 2 mörk, eitt úr geðveikislega sjúklegri aukaspyrnu og svo seinna markið úr sjúklega öruggu víti. Ég komin 7 mánuði á leið og nývöknuð þannig séð missti gjörsamlega stjórn á mér. Ég áttaði mig eigilega ekki fyrr en ég var komin á gólfið fyrir framan sjónvarpið, yfir stofuborðið og hvaðeina... svo reyndi ég að tala eitthvað til á lýsa tilfinningum mínum yfir þessu öllu en ég bullaði bara og endurtók í sífellu, jeminn þetta er ótrúlegt díses...
Við tippuðum á Frakka í þessum leik og héldum því með þeim. En þetta var frábær leikur og greyið hann Beckham, en við hann er ekki að sakast útaf vítinu. Bartes var bara ótrúlega góður að verja þetta, þvílíkir taktar.
Talandi um Bartes þá var hann kýldur niður af boltanum, frekar fyndið atvik. Einn Englendingurinn (....var hálfsofandi og man ekki alveg hver það var :) skaut á markið og boltinn skoppaði svona skemmtilega beint á nefbroddinn á kallanganum og hann alveg kastaðist til eins og hann hefði verið kýldur. En stóð sína vakt og vel það.

Við fórum í útilegu í "blíðunni" sem var um helgina, skelltum okkur á Stapann. Vorum í sóðalegu félagsheimili og enduðum á því að keyra heim klukkan eitt um nótt. En þetta var samt skemmtilegt, man ekki hvenær við Hemmi vorum saman í einn dag síðast. Alltaf vinna eða æfingar eða keppa einhvers staðar lengst í rassgati. Svo í gær vorum við hérna heima að hanga, grilluðum okkur 2 og hvídum okkur vel. Góð helgi svona eftir á að líta, loksins fékk ég að hafa kallinn minn hjá mér alla helgina... Endað svo á því að fara í bað og svaf meira að segja næstum því í alla nótt.
Njótið dagsins.
Freydís

2004-06-04T23:40:00.000Z

Nú er ég þreyttari en allt þreytt.
Ég held að ef einhver myndi deyja úr þreytu þá væri sá hinn sami ekki mjög mikið þreyttari en ég er núna. Ég sver það að ég titra af þreytu og ætli ég liggji ekki andvaka í nokkra tíma, bara svona til að halda uppá þreytuna. Ég gerði það í gær... ótrúlegt hvað ein lítil bumba (sem er ekki svo lítil lengur eins og Siggi litli Sörensen) getur verið ótrúlega fyrir manni. Í gær einmitt þegar ég loksins komst í bælið þá ákvað hún að vera alls staðar sem ég vildi vera. Ef ég ætlaði að liggja á annari hvorri hliðinni þá var hún þar að troðast og ekki nokkur leið að semja frið, á bakinu þá þrýstist hún ofan á allt blóðstreymi til heilans og ég hefði sennilega ekki vaknað mikið meir hefði mér liðið vel þannig. Og á maganum -sem venjulega er ein af mínum uppáhalds stellingum- ekki að ræða það, ég reyndi ekki einu sinni að leggjast á magann. Þannig að ég velti mér á milli stellinga þangað til ég veit ekki hvenær... en þetta var í gær.
Núna hins vegar er ég MUN þreyttari en þá, ástæðan: var svona rétt í þessu að ljúka 9 holum í golfi með golfsettið á bakinu alla leið nema síðustu 2 holurnar, þá loksins sáu herramennirnir að sér og báru þetta fyrir mig. Og ég get sagt ykkur það að þetta var sko enginn venjulegur golfhringu því við þurftum að byrja lengst uppfrá og enduðum auðvitað lengst uppfrá. Þessi hringur var sá lengsti sem ég hef farið á ævinni og með nokkur kíló framan á mér og slatta á bakinu, enda var ég farin að dofna niður í fætur þegar ég gafst upp. Hélt á tímabili að ég færi af stað eða yrði úti í þessum geðveika kulda sem ákvað að kíkja uppá golfvöll. Ég huggaði mig við það að í golfskálanum beið mín hellingur af smurbrauði og einhverju gúmmulaði.
Ég er sem sagt að drepast úr þreytu hérna, var eiginlega uppgefin bara á því að labba uppá 5. til að byrja. Og við unnum ekki (ef við hefðum unnið þá hefði nú verið aðeins öðruvísi tónn í mér...)
Ég er hérna ein heima eins og svo oft áður. Mig minnir að síðan sé titluð: minn litríki hversdagsleiki.. ætti frekar að vera mín svart-hvíta einvera...
Kær kveðja og reynið að hvíla ykkur um helgina eins og ég ...vonandi

2004-05-29T00:52:00.000Z

Hvað haldiði ekki að Víkingur Ó hafi unnið Leiftur/Dalvík 0-3 á útivelli. Svo seigir þessir strákar okkar..(mig langar nú að segja bara mínir strákar.... en þið megið eiga þá með mér :)
Loksins er ég komin í langþráð sumarfrí, búin með skólann og hætt að passa. Og þvílíka veðrið sem boðið var uppá í dag í tilefni þess að það var síðasti vinnudagurinn minn. Núna er bara knattspyrnuskóli (í blíðu grundfirsku sumarveðri..;) í mánuð og svo bara alveg frí. Jahérna ef maður á ekki eftir að njóta þess. Geta farið á fætur um 9 leytið og beint út að gera það sem ég vil, leika mér í fótbolta með Breka eða út á róló með hann. Alla vega verður þetta æðislegt. Í dag vorum við úti að labba, ég Breki og Rúna Lísa og Rannveig áður en hún fór heim (lítil stelpa sem ég er (VAR leiðrétt) að passa. Fengum okkur ís og tilheyrandi.
Svo vorum við að koma utan af golfvelli, við Rúna. Við örkuðum 4 holur og það var svona líka frábært, milt og gott veður og skínandi sól. Þetta var fyrsta ferðin á völlin í sumar og ekki sú síðasta get ég sagt ykkur. Á næsta föstudag er paramót, texas scramble, og við hjúin ætlum að skella okkur. Ég varð bara aðeins að hita upp fyrir mótið og þess vegna ákváðum við að skella okkur áðan. Við vorum sæmilegar, en útbúnaðurinn var til fyrirmyndar. Allt eins og það á að vera nema þá helst sveiflan...
En síðasta holan var góð og ég fór hana á 6 höggum, sem er par með mína forgjöf :) rúna fór hana reyndar líka á 6, svona súkkulaði 6 (smá tilfærslur með kúlu...).
En þetta var ótrúlega gaman og við erum að hugsa um að reyna að komast einhver kvöld í næstu viku til að æfa ennfrekar fyrir paramótið.
En ég er að hugsa um að reyna að sofna aðeins áður en Hemmi kemur. Þeir lögðu af stað frá Ólafsfirði klukkan 22.30 í kvöld og verða væntanlega ekki komnir fyrr en 3 4.
Gúden nagt.

2004-05-26T22:37:00.000Z

Í dag upplifði ég nokkuð sem mér þótti mjög skemmtilegt.
Ég hef alla tíð verið mjög viðkvæm fyrir kulda í tönnunum og ekki einu sinni látið mig dreyma um að bíta í ís nema þá bara í einhverju masokista-kasti bara til að sjá hvað það er vont... en ég er komin yfir það. Nema hvað í dag þá var ég með ís eins og svo oft áður þessa dagana og mér fannst eitthvað skrítið við tilfinninguna. Ég hef alltaf verið mjög meðvituð um það þegar ís snertir á mér tennurnar en í dag fann ég ekki neitt. Ég meira að segja beit í ísinn og tuggði hann, spáum aðeins í það. Ætli Colgate virki svona vel (ég nota svona sensitive...), kannski ég fái mér tannkrem sem gerir tennurnar hvítar, hmmmm.
Já þetta var alveg magnað, ég upplifði þetta eins og ég væri að gera töfrabrögð með ísinn og alveg hreinasta synd að ég var ein á röltinu.

2004-05-25T22:28:00.000Z

Frekar viðburðalitlir dagar eftir alla ösina...

Við Breki fórum út að leika okkur af því að við losnuðum snemma í dag. Fórum til langafa í heimsókn, og auðvitað sló drengurinn í gegn. Ekki við öðru að búast. Svo reyndar fórum við í mat til teingdó og ég fékk mér slatta af fötum til að nota á meðgöngunni og eftir hana. Þær systur Þóra og Guðný voru að taka til í skápunum og það var þó nokkuð sem ég held ég hafi not fyrir. Reyndar þarf ég að fara yfir minn skáp til að koma þessu fyrir, en það hefur nú aldrei skaðað neinn að pakka smá fötum í geymslu.
Miðað við það hvað tíminn líður rosalega hratt mánuð fyrir mánuð þá er ég eiginlega að fara að eiga bara eftir smá tíma. En áður en ég á þarf ég að stjórna 2 knattspyrnunámskeiðum (...mig vantar ennþá einn leiðbeinanda með mér í þetta...), pakka öllu niður hérna á heimilinu og merkja í kassa eftir því hvort það á að fara í geymslu eða með okkur suður. Og þrífa auðvitað alla skápa og allt húsið, komin á steypirinn. Ég fæ kassa á morgunn og ætla að byrja að pakka fljótlega. Kannski finnst ykkur þetta óþarfa stress í mér (við flytjum mánaðarmótin júl/ág í borg óttans..) en ég vil frekar hafa vaðið fyrir neðan mig ef eitthvað brestur síðustu mánuði fyrir fæðingu og vera búin að pakka sem flestu niður í kassa. Ég á að eiga uppúr miðjum ágúst væntanlega, 18. ágúst til að vera nákvæm.
Hemmi er auðvitað ennþá á Hólmavík og verður þar út vikuna og svo væntanlega í Skorradal meira eða minna í júní... grasekkjan sem ég er. Og svo ég gleymi nú ekki aðalmálinu, þá verður hann í fótbolta þess á milli. En við höfum það svo sem ágætt hérna við Breki Þór.
Ætli ég fari ekki að koma mér í bælið og bíða eftir símtali frá Hólmavík.
Bless í bili

2004-05-24T22:03:00.000Z

Finaly finaly blogga ég. Ég er búin að vera í algjöru spennufalli eftir allt stressið og patið sem er búið að vera hérna síðustu vikur.
Á laugardaginn var útskriftin mín langþráða en þó á undan lokaáætlun.... átti ekki von á að þeir slepptu mér í gegn, en þeir sáu að sér kallarnir og stimpluðu mig áfram. Takk kærlega VMA.
Rekstrarhagfræðin er komin í hús og það var 7 sem er allt í lagi miðað við aðstæður, hefði viljað fá 8. Sérstaklega þar sem ég veit að ég klúðraði og kann í raun dæmi sem ég þóttist ekki kunna (...frekar lélegt grín á lokaprófi). En þetta reddaðist allt saman.

Síðasta þriðjudag þá fór Breki litli englarassinn minn í nefkirtlatöku og stóð sig svona líka eins og hetja. Fékk kæruleysislyf í rassinn og hann varð svo afslappaður af því að hann gat ekki hlegið, hann reyndi.. :) Ég var að þykjast sjá flugu og hann reyndi að hlæja en það var frekar máttlaust. Þið sem þekkið hann vitið að honum finnast flugur ómótstæðilega sniðugar, bara tilhugsunin um að einhver sjái flugu fær hann til að hlæja... Eftir aðgerðina var ég undir það búin að hann yrði nú eitthvað pirraður að vakna en hann var nú bara algjört ranngat, vildi bara knúsa mömmu sína og leggja sig aftur með henni uppí stóru rúmi sem við komumst bæði fyrir uppí. Og við lögðum okkur á spítalanum í 2 tíma eða svo og keyrðum svo í Rvk og hann sofnaði á leiðinni og svaf í aðra 2-3 tíma. Svo um kvöldið sofnaði hann um 8 leytið og var bara ótrúlega þreyttur á því. Var reyndar frekar krefjandi daginn eftir en ekkertr til að kalla vesen.
Hann er búinn að jafna sig alveg á þessu og svaf þetta eiginlega úr sér fyrsta daginn.

Í stúdentsveisluna komu slatti af gestum og ég fekk til dæmis GSM síma frá mínum heittelskaða, grill frá hans fjöslkyldu, veggljós frá pabba og Ásdísi og svo úr, hring, styttu merkta mér og daginum mínum og alls kyns skraut í búið og baðið. Og auðvitað blómavendi. En dagurinn var mjög góður og tilfinningin að vera með húfuna var eiginlega merkilega þægileg, mig dreymdi meira að segja að ég væri í fótbolta með húfuna en ég tók ekki eftir henni því mér fannst hún passa svo vel. Svo dreymdi mig líka að ég væri í ítalskri hryllingsmynd að hlaupa á undan einhverjum brjálæðing í dagsbirtu.... en það er önnur saga.

Þetta er voðalega skrítið að vera ekki að læra á kvöldin, þarf held ég smá tíma til að venjast því. Núna er ég hálfvilt, Breki sofnar klukkan átta, Hemmi er á Hólmavík og ég á ekkert til að læra og veit bara ekki hvað ég á að gera.
Kannski ég fari að safna pappakössum og pakki niður fyrir flutningana. Við flytjum neflinlega um mánaðarmótin júlí/ágúst í Jörfabakkann, það er komið á hreint.
Ætli ég fari ekki á fullt að pakka í næstu viku þegar ég er hætt að passa og bara með knattspyrnuskólan í 2 tíma á dag. Ég verð að byrja snemma þar sem ég verð orðin ansi sver undir lokin og ágætt að vera búin að vinna sig niður úr helstu hillum og innan úr dýpstu skápum fyrir það.

Ætli ég fari ekki að lesa núna mér til yndisauka, frekar langt síðan ég gat það og mig er búið að langa það mjög lengi. Já ég held að ég skelli mér í náttföt og uppí rúm.
Þangað til næst, hafið það gott.

2004-05-15T10:01:00.000Z

Halló allir. Bara ein einkunn eftir að koma í hús og ég er komin langleiðina í stúdent og það með glæsibrag. Þær einkunnir sem eru komnar eru:
Þjóðhagfræði 8
Danska 6
Landafræði 9
Heimspeki 9
Rekstrarhagfræði ?

Rekstrarhagfræðin kemur vonandi um helgina. ´

Í gærkvöldi vorum við Inga Magný og Valdís búnar að plana ægilega grillveislu fyrir blakárshátíðina okkar. Við ætluðum allar að hittast klukkan 20 og borða saman góðan mat og lyfta okkur upp. Nema hvað við vorum sem sagt að plana þetta, við byrjuðum á því seint á miðvikudag. Við vorum búnar að redda því að láta kaupa fyrir okkur í Bónus grillkjöt og meððví á þvílíkum tilboðum. En vandamálið var að enginn var á heimleið fyrr en á laugadag!! Grillmaturinn var semsagt í Rvk, við þurftum að borða hann hérna og enginn á leiðinni.. en við létum það auðvitað ekki á okkur fá og létum skutla matnum niður á landflutninga og héldum aldeilis að við værum "seif". En svo klukkan 17 á föstudag, þá voru 3 tímar í mat, þá datt okkur í hug að athuga hvort maturinn væri nú ekki örugglega að koma. Hvað haldiði, maturinn náði ekki í fyrri bílinn og seinni bíllinn var ekki lagður af stað og hann hefði ekki verið kominn fyrr en uppúr 9 til Grundarfjarðar og skyndilega var hjartslátturinn kominn vel yfir 150 og þrýstingurinn eitthvað svipað. En við héldum áfram að redda, við vissum af einum sem var á heimleið um þetta leiti. Við Hringdum í Runna, hann var að dunda sér í Kringlunni en við rákum hann af stað niður á landflutninga til að reyna að stoppa bílinn til að ná vörunum og taka þær með sér. Hann er mun fljótari en flutningabíllinn og hefði verið kominn í síðasta lagi 20 og gæti komið beint uppí hesthús þar sem við borðuðum. Ok hann reif sig af stað út úr kringlu og niðureftir, en þegar hann kom þangað þá var bíllinn farinn!! shit!! En við hringdum í bílstjórann og báðum hann að henda þessu út í Borgarnesi og á endanum fór það þannig og Runni tók matinn þaðan. Svo lennti hann 5 mín fyrir 20 og einhverjir gestir mættir. En svo ætluðum við að byrja að grilla og þá var gasið á öðru grillinu búið og við urðum að redda öðru grilli í snatri því það var ekki til gas á sjoppunni. Viljiði spá í þetta, það var allt á afturfótunum en fór allt vel. Grillið kom og maturinn var frábær, konurnar tóku ekki eftir því að neitt væri að og skemmtu sér konunglega allt kvöldið. Ég fór reyndar heim áður en þær voru hættar og er núna á leiðinni að yfirfara húsið áður en við skilum því af okkur.

Eigiði góðan dag :)
...og gleðilega Eurovision

2004-05-13T10:25:00.000Z

Ég var rétt í þessu að fá eina einkunn til viðbótar við dönskuna. Var að fá út úr landafræðiprófinu og það gekk bara mjög vel eins og ég reyndar vissi. 9 var útkoman úr því prófi, 9 úr prófinu og 9 í vinnueinkunn þannig að 9 verður lokaeinkunin. Það er mjög gott og ég er mjög ánægð með það. Ekki það að ég hefði auðvitað viljað fá 10 í lokaprófinu, en það er önnur og lengri saga sem er varla prennthæf.
Eigiði gleðilegan 13. maí.
Freydís

2004-05-12T09:44:00.000Z

Eins og dagarnir eiga nú að vera orðnir afslappaðir er ég að drepast úr pirringi. Ég þoli ekki ketti!! Bara alls ekki! Þeir geta endalaust migið og sprautað á húsið mitt og allt sem því fylgir, ef það er opinn gluggi í þvottahúsinu koma þeir inn og merkja sér svæði. Svo er svona skot fyrir utan innganginn hjá mér og nær undantekningalaust er búið að miga þar á hverjum morgni!!! Svo ákkúrat í nótt þá gleymdi ég vagninum hans Breka Þórs úti og auðvitað er búið að miga hann allan út ARRRGGGG. Ég er að bilast yfir þessu. Ég er búin að spreyja "get off" spray hérna út um allt en þeir bara sleikja það burt áður en þeir merkja sér svæði, andskotans. Af hverju eru ekki einhverjar reglur með ketti eins og hunda?? Þeir skilja eftir sig ógeðslega lykt og skíta í sandkassa hjá litlum börnum. Svo klóra þeir líka og bíta ef það hentar þeim.... ohh hvað ég er ekki að þola þessa ketti hérna. (NB ég átti alltaf kött en er að missa mig hérna...) Heyrðu ég er að gleyma aðalpirrinu. Á föstudaginn var svo gott veður og ég ýkt ánægð og opnaði gluggana á heimilinu mínu og þreyf allt hérna inni. Svo þegar ég opna inní svefnherbergi (það er alltaf lokað þar inn því Breki fer alltaf í tölvuna að fikta), haldiði ekki að það sé þessi líka ógeðis viðbjóðisfýla. Einhver köttur búinn að merkja svefnherbergið mitt!!
Ég sá fyrir mér að þurfa að þrífa allt saman, alla veggi og allt til þess að finna pisseríið. En svo kíkti ég í gluggan og þar sá ég sprautið, svona dropar útum allt. Hann hafði ekki einu sinni fyrir því að koma inn littli vibbinn, stóð bara fyrir utan og miðaði innum gluggan, svona ef ske kynni að þar byggi hugguleg kvensa fyrir hann. OK ég er hugguleg kvensa en fyrr má nú aldeilis fyrr vera að öll fressin í bænum sitji um mig...
Ég varð bara aðeins að losa um þetta.
Sumarkveðja
Freydís (....farinn að rífa af vagninum og þvo...)

2004-05-11T10:42:00.000Z

Jibbí jey jibbí jibbí jei, nú eru prófin búin. Síðasta prófið var að klárast og það gékk bara eiginlega framar öllum vonum, en samt var ég búin að læra ágætlega fyrir þetta. Ég náði þjóðhagfræðinni nú alveg pottþétt held ég og það er flábælt. Ætli lokaeinkun verði ekki ca 7.
En alla vega, prófin búin og best að fara að fá sér að borða.
Bless á meðan

2004-05-11T08:04:00.000Z

Aðeins klukkutími til stefnu, holy shæt. Ég er ekkert allt of bjartsýn fyrir þessu prófi, veit eiginlega ekki hvernig þetta fer allt saman.
Ég er búin að fá eina einkunn, og eg var greinilega allt of bjartsýn og jákvæð eftir það próf.. hehe, en ég náði samt :)
Ég sé til hvort ég komi inn eftir próf. Það veltur eiginlega allt á genginu. Sjáum til.

bless á meðan (vonandi kem ég á eftir :)

2004-05-10T08:24:00.000Z

Góðan dag og gleðilega vinnuviku allir saman.
Í morgunn kom fyrsta bakslagið í prófunum búhúúú, ég veit um eitt dæmi sem ég náði einhvern vegin að snúa við og rugla aðeins með. Notaði eina ranga tölu í útreikningnum. En í versta, þá meina ég alversta, falli þá eru þetta ekki nema 45% rétt hjá mér. Ef hún er agalega stöng og gefur annað hvort fullt eða ekki neitt. Hæsta gildi geri ég ráð fyrir ca. 7. Og þá geri ég ráð fyrir 7 í þessu prófi. Úff, jæja ennþá erfiðara próf á morgunn og eins gott að halda sér við efnið í nokkra klukkutíma enn þá er þessu væntanlega lokið, þangað til í háskólanum alla vega.
Hemmi vaknaði hálf blindur hérna í gærmorgunn og það var svolítið fyndið því hann sagði við mig "ég get ekki opnað augun" og ég hélt að hann væri að meina útaf þreytu (en hann var með svo agalega sýkingu í auganu að hann gat ekki opnað. Ég sem ætlaði að vera hrikalega góð við hann sagði honum þá bara að hafa þau lokuð og sofa áfram...ægilega góð, hann fór svo til læknis og hann kreisti einhver ósköp af dótaríi í augað á honum og hann var farinn að sjá nokkuð vel eftir hádegi, fyrir utan það að hann mátti ekki vera með linsurnar í augunum og sá þess vegna ekki eins vel og vanalega.
Í gær var líka fótboltaleikur og hann harkaði þessa tímabundnu "blindu" af sér og spilaði linsulaus. Ég horfði á leikinn en sá samt ekki neitt, skil það ekki ennþá. Í gærkvöldi þá spurði Hemmi hvort ég hefði séð markið sem hann skoraði (..NB þá er hann varla kominn útaf þegar ég er búin að óska honum til hamingju með markið og hvað sem það er sem hann gerir vel, vanalega. En í gær hélt ég kjafti... hélt að hann hefði ekki verið með neinar rósir *skamm* *skamm*). Þetta var seint í gærkvöld og hann hefur verið farinn að örvænta kallinn minn og ákvað að spurja hvort ég hefði ekki séð það.... og ég hafði auðvitað ekki hugmynd, hélt meira að segja að þeir hefðu tapað leiknum, en það var jafntefli 3-3.
En nóg í bili, ég hendi kannski inn einhverju skemmtilegu hérna í dag. Ég býst við að sitja hérna inni í herbergi fram undir kvöld.

2004-05-07T09:59:00.000Z

Þetta tók ekki langan tíma og var alls ekki hræðilegt. Ég var með öll löndin rétt nema ég vissi ekki hvar Baffínsland var.... einhvernvegin var það alveg gleymt, en þetta voru alla vega 15 lönd þannig að ég er með 14 af 15 rétt. Svo var ég með allt á Íslandskortinu, það voru líka 15 staðir. Spurningarnar voru nokkuð léttar, allar nema 2 krossaspurningar pottþétt réttar. Það gera samtals 5 í prófinu, svo allar hinar spurningarnar sem ég vissi nú all flestar og engin kom mér á óvart. Ég skýt á 8 jafnvel 9 í ef sólin skín í dag :)
Bara 2 próf eftir, þjóðhagfræði og rekstrarhagfræði. 2 þyngstu prófin geri ég ráð fyrir, reyndar átti landafræðiprófið að vera mjög erfitt en var frekar létt. Kannski allur utanbókarlærdómurinn með landabréfabókina hafi skilað sér.
Núna á eftir er ég að skreppa til tannlæknis, úff, veit ekki hvað hann á eftir að segja við mig. Hann segir örugglega í huganum "yesss fínn bissness í þessari...". Ég býst svona frekar við því að þurfa að koma aftur í einhverjar viðgerðir. En nú er ég farin í bili.
Ble ble

2004-05-07T08:05:00.000Z

Í dag er 7.maí og fjöllin í Grundarfirði eru hvít ! Ótrúlegt að það skuli snjóa þegar sumarið á að vera komið. En núna er ég á leið í landafræðipróf, búin að undirbúa mig nokkuð vel þannig að við skulum sjá hvað setur. Ég held ég geti bent á svona 90% af öllum sjálfstæðum ríkjum heimsins (sem eru 198 alls) og öll þéttbýlissvæði á Íslandi ásamt helstu fjörðum, flóum, jöklum og fjöllum. Það er einungis 30% af prófinu en ég þarf að vita 40% af þessum 30% til að restin af prófinu gildi. Ég set stefnuna á að vita allt í staðfræðinni, innanlands og í heiminum, og hana nú!! Ég er merkilega laus við allt stress, hef nú reyndar aldrei þjáðst af neinum prófakvíða... en síðasti sólarhringurinn var ekki sérlega ánægjulegur eða laus við stress. Meira um það á eftir próf. Já eða seinna í dag því ég fer til tannlæknis á eftir, í fyrsta skipti í nokkur ár skamm skamm.
En best að kíkja einu sinni á eitthvað fyrir prófið.
Gangi mér vel :)

2004-05-04T11:30:00.000Z

Þá er dönskuprófið búið. Og þá kárnar nú gamanið, mest krefjandi prófin eftir. Landafræði, þjóðhagfræði og rekstrarhagfræði... en ætli maður klári þetta nú ekki allt saman.
Dönskuprófið gekk nú bara alveg sæmilega, taldi ca 42 stig af 55 stigum. Það gerir 7.6 en ætli þetta verði ekki próf uppá 7.

Nú er hann Hemmi að koma heim í dag, jibbí jei. Það er bara flott að frétta hér úr kotinu, Sóley er auðvitað hérna hjá mér ennþá að passa börn og bú. Það gengur framar öllum vonum, veit um nokkra sem áttu ekki von á því *hóst* *hóst*
Við suðum okkur fisk í kvöldmatinn í gærkvöldi, venjulega væri það nú ekki tíðindi til að skella á netið en þetta var einstök suða. Ég setti vatnið upp og skellti mér á postulínið, svo heyri ég að´Sóley er eitthvað að bagsa inní eldhúsi og ég spurði hvort hún væri að setja fiskinn í vatnið. Og já það var einmitt það sem hún var að gera. Svo fyrir einhverja heppni, vil ég segja, þá spurði hvort hún hefði ekki örugglega skorið hann í bita (það er ekki það sem mér finnst maður verði að spyrja um...en) og hún sagði: uuu, nei reyndar ekki... Þannig að í pottinum voru tvö heil flök af fiski og það er sko ekki nokkur leið að ná heilu soðnu flaki uppúr suðunni án þess að það fari í einhvers konar sýnishorn af fiski. En svo á endanum reddaðist þetta allt saman, ég stökk af setunni og við náðum fiskinum uppúr og skárum hann. Svo var þetta þessi fíni fiskur. Jæja þetta var nú það mest spennandi sem gerðist síðastliðinn sólarhring... frábært.
jæja kveð í bili
Freydís

2004-05-03T10:47:00.000Z

Eitt próf búið og 4 eftir. Heimspekin var í morgunn og það gekk bara vel, ég var vel undirbúin og enginn vafi með þetta próf. En á morgunn er danska og ég er að byrja að læra núna.... eftir þetta blogg. Danskan er aðeins flóknari núna heldur en fyrir 2 árum. Einhvern vegin næ ég að rugla öllum tungumálum í dönskuna og þar af leiðandi er mín danska oft eitthvað annað en sú danska sem ég á að læra. En þetta kemur nú allt saman, læri bara vel í dag og þá kemur þetta. Ekki það að ég sé hrædd um að falla... ALLS EKKI, veit ekki hvar ég myndi enda ef ég félli í dönsku.. jeminn. En ekki lengra bull í bili.
Ble ble

2004-05-01T20:12:00.000Z

Góða kveldið, það eru komnar nýjar bumbumyndir í albúmið. Og það er líka komið svona comment dæmi hérna fyrir neðan hverja grein. Endilega checkið á þessu. Svo er annað hérna æðislega sniðugt próf til að sjá hvernig elskuhugi þú ert...úllallla

2004-04-30T23:15:00.000Z

Gott kvöld. Bara rétt að uppdate-a þetta blogg mitt. Búin að setja inn nýjan fídus á síðuna, endilega nýta sér það :) gaman að sjá hverjir eru hérna.
Það sem gengur á þessa dagana er bara grasekjustíll, Hemmi á Hólmavík og niðurtalningin í STÚDENTS prófin er orðin ansi alvarleg... bara helgin eftir... *spítílófa*. Jæja kveð í bili, ætla að fara í háttin svo ég geti tekið daginn snemma að læra.
Ble ble Freydís

2004-04-29T12:53:00.000Z

Í fyrradag kláraði ég síðustu verkefnin sem ég þarf að skila til þess að geta tekið próf og í gær var frídagur frá lærdómi. Í dag hins vegar byrjar undirbúningur undir próf formlega. vei vei gaman gaman, en svona í alvöru þá hlakka ég til að fullkomna önnina og læra allt sem ég hef lesið í vor. Ég er neflinlega búin að hafa mjög gaman af þessum fögum sem ég tók í vor, allt saman skemmtilegir áfangar, með smá undantekningum viku og viku... Á mánudaginn byrja herlegheitin á heimspekiprófi, á þriðudag er svo danska, landafræði á fimmtudag og rekstrarhagfræði og þjóðhagfræði á mánudag og þriðjudag eftir næstu helgi.
Í nótt fékk ég fyrsta sinadráttinn á þessari meðgöngu... frábær upplifun. Byrjaði frekar hægt eins og gengur en svo ágerðist þetta í alveg alsherjar krampa, sársauka, byltur og stunur. Svo fór að líða að lokum og ég fór að anda rólega en nei nei tók ekki annar við í sama vöðva, kálfanum. Ég man ekki eftir að hafa fengið tvisvar í röð í sama fótinn, einu sinni í sinn hvorn en ekki sama. Alveg skelfilega sárt, lá við ég grenjaði af sársauka. Maður er eitthvað svo ekki tilbúin þegar maður er sofandi í makindum sínum... ekki þægilegt. Ef einhver lumar á fyrirbyggjandi ráðum þá er gestabók hérna til hliðar sem er vel hægt að tjá sig í. :)
jæja nóg í bili, verð að fara að læra.
ble ble

2004-04-24T19:45:00.000Z

Gott kveld allir saman. Já nú verður vandað málfar á þessari síðu, enda verðandi stúdína sem skrifar. Já haldiði að það sé glæsilegt, konan bara að útskrifast í maí. Aldeilis glæsilegt :)
Það kom algjörlega á óvart, ég í sakleysi mínu ætlaði að fá að vita hvað ég ætti eftir til að ná að útskrifast næstu jól og þá segir kallinn mér þær góðu fréttir að hann geti sett mig á útskriftarlista fyrir vorið. Og ég sagði auðvitað "já takk" með bros á vör.

En nóg af vönduðu málfari... Ég er að verða stúdent, viljiði pæla í því aðeins... alveg er ég rosalega ánægð með þetta. Þetta heimili verður aldeilis menntapleis, Hemmi á leið í Tækniháskólann og konan bara með hvíta húfu og fínerí :)
Svo ég spjalli nú um líðandi stundu þá er Breki ennþá sáttur í nýja herberginu og verður það sennilega áfram, ég bara læri og læri og læri. Ég fekk einhvern brjálaðan kraft með þessu e-maili frá kallinum í VMA og síðan er ég búin að vera að læra og læra, ýkt dugleg stelpa.

Veit nú ekki hvort eitthvað meira prenthæft hafi drifið á okkar daga þessa síðustu daga.... Hemmi auðvitað var á Hólmavík, kom heim í gær (..og það er nú varla prenthæft, sú endurkoma ;), alltaf gaman að fá hann heim :)
Jæja ble ble í bili
Freydís

2004-04-18T10:12:00.000Z

Góðan dag, góðan dag, glens og grín það er mitt fag...
Mikið ofsalega er Grundarfjörður merkilegt pláss. Í gær var vorgleði, sem er svona skemmtun til að fagna vori (..gaman að segja frá því að það er búið að snjóa í 2 daga), en já vorgleðin er semsagt skemmtun sem er æfð af fólki í bænum. Þetta fer þannig fram að það er hljómsveit og svo syngur fólk. Ekki frásögu færandi nema að í hljómsveitinni voru 3 gítarleikarar, trommuleikari, bongó-trommuleikari, píanisti, bassaleikari, þverflautu og klarenettu-kona, básúnuleikari og saxaphónleikari. NB þetta er allt saman fullorðið fólk sem býr í Grundarfirði. Any way þá var þetta stórhljómsveit kvöldsins og söngvararnir voru örugglega 20 og ekki einn lélegur. Showið var allt hið glæsilegasta og allt gekk upp hjá þeim. Þetta finnst mér magnað að sé hægt að setja upp í ekki nema tæplega 900 manna sjávarplássi, þvílíkir hæfileikar sem liggja hér í bænum.
Já skemmtunin var góð og svo eftir skemmtun var ball, og á dansgólfinu voru öll hjón sem mættu á sýninguna (húsið var troðið) og allir tóku upp hald og fóru í sveiflu. Ég átti í eitt skipti fótum mínum fjör að launa því ég varð næstum því undir einu parinu (..ekki minnsta parinu í húsinu). Þvílíkur var fílingurinn á þessu fólki. Frábært hvað fólk getur skemmt sér, dansgólfið var alltaf fullt.

Í nótt var líka fyrsta nóttin sem Breki Þór svaf í nýja fína herberginu sínu, hann svaf alla nóttina í gegn og var ekki einu sinni ósáttu þegar hann vaknaði. Ég átti eins von á því að hann yrði smá skelkaður að vera ekki í herberginu hjá mömmu sinni og pabba. Og þegar hann vaknaði og var búinn að leika sér smá þá kallaði hann bara á mömmu sína og bað hana að lyfta sér uppúr rúminu. Þessi umskipti voru bara ekkert mál fyrir litla kallinn okkar.
En núna er hann að leggja sig í nýja herberginu sínu og ég ætla að nota tímann vel.. :)
Bless á meðan

2004-04-13T12:52:00.000Z

jahérna... aldeilis virknin á blogginu hjá mér. 25. mars síðast ussusssuss.
Páskarnir búnir og páskafríið líka. Páskafríið sem ég ætlaði að vera svo dugleg að læra í. Ég var sem sagt ekki dugleg í páskafríinu, nema jú ég var mjög dugleg að leika mér (..það má líka :). Við spiluðum helling af Catan, smá Risk og svo fórum við á þetta líka fína ball í Grundarfirði eftir að hafa haft létt gítargeim hérna í rauða húsinu. Ég dansaði og dansaði þangað til ég gat ekki meira. Æðisleg að detta á svona góð böll, þetta var svona hér um bil síðasta ballið í bili fyrir mig þar sem ég er komin 5 mánuði á leið.
Annars er bara fínt að frétta, sumarið að koma, skólinn að verða búinn og bara allt svo bjart og skemmtilegt :) ekki leiðinlegt það. Húsið fullt af ást og bráðum fullt af börnum...(sem er einmitt bein afleiðing allrar ástarinnar..) Og já hvað get ég sagt, bara allt gott að frétta.
Heyrumst seinna ble ble

2004-03-25T11:42:00.000Z

Góðan dag, nú er komið inn myndaalbúm hérna til hliðar. Endilega kíkið, þetta eru bara svona myndir af okkur litlu fjölskyldunni.
Njótið og ekki gleyma að skrifa í gestabókina :)

2004-03-24T10:10:00.000Z

Um helgina var aldeilis stórafmæli á heimilinu. Krónprinsinn varð eins árs og það var haldin veisla honum til heiðurs. Hann var nú eiginlega bara veisla sjálfur prinsinn :) Hann sló algjörlega í gegn og svo knúsaði hann meira að segja gestina þegar hann kvaddi þá og kyssti auðvitað skvísurnar sem gáfu honum pakka, strax farinn að sjarma þær (byrjaði reyndar mjög fljótleg eftir fæðingu..). Ef þið viljið lesa meira um afmælisveisluna er smá pistill um hana hér og ef þið viljið sjá nýjustu myndirnar af prinsinum þá eru þær hérna . Reyndar finnst mér líklegt að þið hafið vafrað hingað af síðunni hans.. en jæja ef ekki endilega kíkið á hann.

Nú er bara smá stund þangað til við Breki verðum pabbalaus í viku, hann er á leiðinni á Portúga í fótboltaferð, og jeminn hvað ég væri til í að vera að æfa og á leiðinni út á grasvöll og í sól og hita... ohh þetta verður frábær ferð hjá þeim. En á meðan við erum heima kemur Ásdís hans pabba til okkar í viku og það verður sko ekki mikið síðra en sólarlandaferð. Efast um að við getum látið okkur leiðast... í alvöru þá stórefast ég um að það sé mögulega mögulegt að okkur leiðist.

Catan (ég ætlaði ekki að segja meira því þetta segir allt sem segja þarf um síðustu daga hjá mér....). Ég prófaði þetta spil á sunnudaginn og á mánudagsmorgni var ég búin að panta það úr Reykjavík. Þriðjudag var spilið komið og ég hringdi í vinkonurnar og við vorum með spilakvöld í gær, þriðjudagskvöld. Ég er gjörsamlega skítfallin fyrir þessu spili og vonandi heldur Hemma áfram að þykja þetta skemmtilegt svo að við getum spila þetta lengi lengi áfram. Ég hef ekki ennþá náð að vinna þetta en stefni ótrauð á íslandsmeistaratilinn :)

Jæja en hérna fyrir neðan sjáiði að ég er "skilningsríka kærastan". Bráðskemmtilegt próf, kíkið á þetta stelpur. Já og ekki gleyma því að mæta á leikinn inní Hólmi á morgun og hvetja Snæfell. Bless í bili, Freydís.

2004-03-24T10:09:00.000Z

You Are An Understanding Girlfriend!

You care about your guy, so much that you tend to put him first

And while this makes your relationship smooth, sometimes you let big things slide

Still be your understanding self, but if something really bothers you - let your guy know

He'll still want you, even if you occasionally disagree

Hvernig Kærasta ertu? Taktu prófið :-)

Find the Love of Your Life
(and More Love Quizzes) at Your New Romance.

2004-03-11T20:32:00.000Z

Jæja það er nú ansi langt síðan ég skrifaði síðast...
En engar afsakannir, byrjum þetta. Nóttin í nótt var eftirminnileg, mig dreymdi mjög skemmtilega furðulega. Ég var neflinega fegurðardrotting Íslands, og ekki bara það heldur var ég bara alveg eins og ég er í dag nema að öllum fannst ég geðveikt sæt (nema þessum öfundsjúku..). Svo var það svo fyndið að þegar úrslitin voru kunn þá var ég bara : "...ehhh auðvitað vann ég ..." frekar öðruvísi en ég er vön. Alla vegna var ég með borðan og kórónuna í alla nótt að spóka mig og fannst það bara mjög gaman :) Jahérna bullið sem mann dreymir... hvað ætli þetta þýði?? Ætla að kíkja í draumabókina mína, FEGURÐ= ekki neitt um það, KÓRÓNA= "Getur táknað upphefði, einnig giftingu. VERÐLAUN (..var ég að fá verðlaun fyrir fegurðina mína...)= Að fá verðlaun í draumi merkir að ekkert slíkt fæst í vöku, heldur óhagstætt tilboð sem gæti orðið þér til tjóns.
Mér líst nú best á Kórónuna.. ;)
Jæja nóg um mínar draumfarir í bili, í gærkvöldi var ég á ungmennafélagsfundi. Fór þangað til að sjá hvað væri að gerast í félaginu og svona já til að reyna aðeins að skipta mér að. Bjóst svo sem ekki við einhverjum hasar, en önnur var nú raunin. Á þessum ungmennafélagsfundi ríkti enginn ungmennafélagsandi, umræðurnar voru mjög góðar nb og málefnalegar. En þegar líða tók á kvöldið hafði stór % gengir út af fundinum sárir en stoltir. Einn lagði starf sitt að veði til að mótmæla lýðræðislegri kosningu og annar sagði sig úr starfseminni. Margt gekk á og margt sagt en allt fór vel á endanum, allir vinir (alla vegna í orði...) og það verður áfram starfrækt UMFG hérna sem betur fer.
Svo var það í síðustu viku sem ég fór á aldeilis fund í lagi, Saumó. OG ég get sagt ykkur það að þó svo að við höfum bara verið 3 þá var sko aldeilis nóg að spjalla, við sátum og töluðum í 3 og hálfan tíma. Og þá meina ég töluðum. Það var eins og það losnaði um málbeinið og við gátum rætt svo margt og á köflum vantaði mig svona litla bók til þess að punkta hjá mér það sem ég ætlaði að segja vegna þess að það komst ekki allt að... samt vorum við bara 3 að berjast um málið. Held að allar okkar hafi viljað vera áfram, við alla vegna vorum í 15 mínútur í hurðinni að reyna að hætta en það bara gekk ekki. Ég held að við hljótum allar að hafa talað uppúr svefni þá nótt :) Ég er á því að fámennur saumaklúbbur sé málið, ef það eru margar eru svo margar að berjast um að fá að tala og enginn fær að segja allt sem hann vill því það er alltaf gripið framí fyrir honum. Sem betur fer erum við samt kurteisar, svona vanalega. Og líka sem betur fer voru allar hinar eitthvað uppteknar (hefði verið gama að hafa ykkur, ef þið eruð að lesa þetta :) því við þurftum svo að losa á okkur. Ekki það að við eigum allar í einhverri krísu nei nei alls ekki, meðal þess sem rætt var um var hvort gullauga eða rauðar karftöflur séu betri. Við komumst að einhljóða samkomulagi um að þær rauðu væru betri... fróðlegt og ansi ganglegt fyrir allar húsmæður að vita ;) Svo var auðvita allt þetta venjulega tekið fyrir börn, einhvern vegin hafa börn verið aðalumræðuefni saumaklúbbsins síðan hann hóf göngu sína. Kannski ekki skrítið þegar allar nema ein eiga barn, og það hefur alltaf verið einhver ólétt og stundum 2. Núna eru 2 óléttar og það er ennþá séns fyrir einhverjar að bætast í hópinn... reyndar eru 2 með ungabörn, jæja en samt....

En á föstudaginn síðasta var snjósleðaslys á Dalvík og það var hann Mummi frændi sem lést, hann lætur eftir sig unnustu og tvo stráka. Alveg agalega sorglegt, yngri strákurinn er yngri en Breki Þór. Á laugadaginn fer ég því í jarðarför fyrir norðan. Blessuð sé minning þín Mummi og ég sendi Agnesi allan þann styrk sem ég get og einnig til Láru & Magga og Maju & Gvendar. Missir ykkar og sorg er mikil.
Með þetta kveð ég í bili.

2004-03-03T20:51:00.000Z

Í dag er 3 mars, dagurinn sem ég ætlaði að eiga Breka Þór fyrir ári síðan... en það gekk ekki upp.. kannski næst... nei það gengur víst ekki heldur því næst er í kringum 20. ágúst á þessu ári. Það er sko brjálað að gera í frjóseminni á þessum bænum.
En já í dag er 3. mars 2004, ótrúlegt ég hélt að ég yrði svo rosalega gömul þegar 2000 og eitthvað kæmi.. en ég er alveg merkilega ung, eiginlega ennþá 18 fyrir utan húsið, station-bílinn, barnið (..og hitt barnið á leiðinni) og manninn. Kannski var það einmitt þetta sem ég hugsaði að yrði þegar 2000 og eitthvað væri. Ég orðin mamma. Eða ég orðin mín eigin fjölskylda, ég að steikja lummur í kaffinu en ekki á leiðinni inn að borða lummur í kaffinu með drullumall útum allt.
Þetta er einmitt það sem ég gerði í dag, steikti lummur. En það sem er öðruvísi núna en í den tid er að ég er sú eina sem borða þær á heimilinu. Ég steikti bara 4 og borðaði þær allar ein. Svona er maður orðin mikil húsmóðir með heitt með kaffinu (..nema það er nú sjaldnast kaffi á boðstólnum nema það sé pantað með einhverjum fyrirvara..).
Svo er ég í fjarnámi, komin svolítið eftir á. En í gær skilaði ég af mér 2 verkefnum og var aldeilis bjartsýn og létti alveg heilmiklu stressi af mér, en hvað haldiði að kennararnir hafi gert í dag. Allir sendu vikuskammtinn og ég er enn komin vel eftir á og orðin stressuð, greinilega ekki nógu stressuð, eða kannski of stressuð. Hvort sem það er þá er ég alla vegna ekki að koma neinu í verk, nema þessari vitleysu sem enginn les...
Kannski ég skutli mér yfir í annað forrit í tölvunni og geri eitthvað af viti það sem eftir lifir kvölds.
Baráttukveðja
Freydís ...sem reynir altaf að standa í skilum... alla vegna hjá bankanum ;)

2004-03-01T16:25:00.000Z

Waaah! You're so LOVABLE! Everybody likes you,
because you're a great person to have around
and it's always happy about everything ^^.
congrats! and...can I hug you?? plz! ^///^

Yet another personality test ^-^ (nice anime pics!) NEW outcome!!
brought to you by Quizilla

Enn eitt prófið...
Við Breki erum ein heima í dag af því að hann er ennþá lasinn litli kallinn.

2004-02-28T00:24:00.000Z

What Finding Nemo Character are You?
brought to you by Quizilla
Jæja þá er ég hooked á þessari "hver-ertu" síðu.... og núna er ég þessi fiskur í finding Nemo
Frábært :)

2004-02-27T22:54:00.000Z

You are an Italian.

What's your Inner European?
brought to you by Quizilla
Þetta er víst ég, æðislega sniðuðugt próf.. ágætis afþreying í það minnsta. Einmitt eitthvað sem mann vantar svona þessa stundina. Einhvern vegin enda ég voða oft svona ein heima, en ætli það fylgi ekki þegar kallinn er algjörlega ofvirkur í öllu íþrótta og félagslífi... Ég ætti kannski að reyna að læra bara í staðin fyrir að vera að hanga og reyna að finna eitthvað að gera.
Held það bara...
Bless í bili

2004-02-26T21:24:00.000Z

Góða kvöldið gott fólk, það er alltaf nóg að gerast í Grundarfirði get ég sagt ykkur. Byrjum á því að ég er búin að vera veik í dag. Veðrið var alveg geðveikt segi og skrifa geeeðveikt, nema hvað ég ætlaði að hringja í barnapíuna mína og biðja hana að taka Breka Þór út að labba í fína veðrinu. Nema hvað ég er að gefa drengnum að borða og hann hreinlega í orðsins fyllstu merkingu ældi út um allt, allt eldhúsið, öll ég og allur gangurinn var útí ælu.. (kannski smá ýkt, en ekki svo..) Ég var ákkúrat með síman í hendinni (sem er ekki svo sjaldgæft þessa dagnana) og þurfti að hringja hann Hemma heim úr vinnunni til þess að skúra allt húsið og skella okkur í bað. Hann semsagt kom heim og hjúkraði okkur í allan dag. Það hefur nú reyndar ekkert gerst síðan þá, nema það að allt húsið er orðið skínandi hreint (..en samt ennþá ælulykt segir Hemmi, ég finn ekkert útaf kvefi). Núna er Breki sofnaður og við hjónakornin að fara að spila rommý, staðan er 55,250-46,860 fyrir Hemma. Þetta er ekki prentvilla, við erum búin að vera að spila í eitt og hálft ár.... frábært :)
bless í bili.

2004-02-25T20:22:00.000Z

Jæja þá góða kvöldið, þá er loksins komið að því. Ég er komin á netið með mínar eigin hugsanir :)
Frábært að geta setið og spjallað svona við sjálfan sig, svo bara gef ég ekki upp addressuna hehe og hef þetta bara einkablogg... nei ætli það.
Jæja dagurinn í dag er búinn að vera skemmtilega niðurdrepandi.... Íris, sem er búin að vera á leiðinni til mín í tvo daga strandaði í síðasta sinn þegar bíllinn drapst á milli Rifs og Hellissands (ég komst seinna að því að það var inni á Hellissandi, aðeins meira drama að segja frá því svona....). Þannig að ekkert varð úr heimsókninni, Hemmi minn fór í bæinn til doktor Saxa sem tók víst úr honum einhvers konar þarmasýni og hann hefur ekki hugmynd um hvernig hann fór að því, en hann sofnaði víst í biðstofunni ;) Hann sem sagt fór í bæinn og kemur ekki heim fyrr en á morgunn, og ekki skánar það því ég er orðin sárlasin með nasaskít og meððví.
En það getur víst verið verra... netið gæti verið hrunið og ég hefði þá ekkert að gera ( það er ekkert sjónvarp á bænum, nákvæmlega ekkert !! og það í heilan mánuð, en það furðulega við það er að ég sakna þess ekki neitt... nema núna, alein og veik *sjúg-uppí-nef*).
Jæja nú er komið nóg af bulli og vitleysu í bili, best að fara að læra.... eða leggjast og horfa á vídeó.. (...hmmm ætli ég slaki ekki á sérstaklega af því ég er lasin.. :)
Bless í bili Freydís